كرمــال ... مشــــــــــــــــــتى الحلــــــــو

[ثناء حيدر]

تحية إلى جميع الأخوة والأخوات في هذا المنتدى

***

كرمــال ... مشــــــــــــــــــتى الحلــــــــو

***

طلّت ثناء الخالدة أشــــــــــــعارها
الصارت عناوين الزجل .. أقدارها

تخضرّ من قطر الندى أشــــــجارها
توزّع عَلى هالمنتدى أثـمـــــــــارها

ومهما الخطيئة تمددّوا أعمـــــــارها
ومهما انجرحنا من أذى أحجــــارها

كرمال هالضيعة ... وألق أحـرارها
رح رجّع الشــــّـــــعر الجليل بدارها

***

مشــتى ... يا ضيعة مدلّلة بسـمّارها
نحنا أهلها وشمســـــــــــها وقمــارها

نحنــا وورود الشـــــــّــعر عَ زنارها
نحنــا مواســــــم حبّ في أســـرارها

نحنــا البنفســــــــج حارس بأسوارها
قطفــة حبق ... ومعبّقـــــــة بديارها

***

ويا منتـــدى غيابهـــا وحضّـــــــارها
وحيـــاة عينك ... ما منطفـــي نارها

ورح ضلّ رندح فيك يا مشـــتى الحلو
تا ينتشــــي تموزها وعشـــــــــتارها

[أبو نورس]

طلّت ثناء الخالدة أشــــــــــــعارها
الصارت عناوين الزجل .. أقدارها

الله عليكي يا أميرة ,,,, حلو حلو ,,, بيضل عامر المشتى بوجودك ،،، خدي مني هالبيت الغزل هدية

أووووووف ..... أووووووف ......... أووووووووف

بنشـــوة حب بقدر بـنتشيكي **** أنا شــيك و لو انك بنت شــيكي

ابعتي إلنا ياحلوة بن تشيكي **** تا حتى ندوق قهوة من الحباااب

[semas]

جوز العرسان ال عنا 0000000000000كتبو قصايدومعنا
من حلاوة روح القصدان 0000000000000 لا قفينا ولا وزنا

جعفر يا بيدر اشعار 0000000000000 اغرف منك بتمنى

ومن موسم جوري ثناء 0000000000000 شعر بلادي زينا

نشالله منسمع هالابيات 0000000000000 فوق منابر موطنا

[حسن بنوت]

*****
جوق الوطن جوق المحبه والسلام
بيهدي ورود الشعر للناس الكرام

ومعنا ثناء الفكرها فل وخزام
ووحي القصيده وعطر عايش بالكمام

ونحنا هدفنا الشعر يخلد عالدوام
ولوكان يا مشتى الحلو تمحى الكلام

بدو ضمير الشعر والذوق الحلو
يكسـّر صبيع للي عم يكسـّر قلام
*****

[ثناء حيدر]

عيد وحب وعام جديد --- وغنيّة وفرحة أعياد
خلّينا بالشـــــّـعر نزيد --- العيديّة بعيد الميلاد

***

بقوافيـي وأشــــــــــعاري --- رح غنّــــي هالغـنـيـّة
وخلّي صحابي وســمّاري --- يتبـــــــاهو بهالعيديّة

بقدملُن وردي وغـــــاري --- حتّى تحلى السّـــهريّة
وكّلما حلّــــــــــــو بيداري --- بتنوّر فينا الأعيـــــــاد

[شفيق]

يا ثناء,,سطورك وزهراتها .................ذاتك حنونة متل نفحة ذاتها

وموضوعك الأعطى الدني زهواتها........شفتو عروس,,الزنبق مخدّاتها

كرمال مشتانا وحلا سهراتها.................تمّوزها تفتّق على شجراتها

وغلّت حياتو الدايبة ساعاتها..................بشفّة نبيد منهنهة خمراتها

لكن إذا شفتي السبب تا فاتها............وفيها انتشى ولحظة جفا ما فاتها

بيكون بدّو يلتقي بخمرة ثناء...............ويبوّس الشعر العلى صفحاتها




أهلا وسهلا فيكي يا أخت ثناء الغالية

ومنتمنى تضلّي تزيدينا من شعرك الحلو ...


شفيق