مسالخير يا شباب كيفكن شو أخباركن
أنا برأيي تروقو شوي ونحنا بعدنا كتير عن الموضوع الي كنا عم نحكي فيه لا حدا يفكرني أني نشرت قصة نقص المصاري والكسر اللي صار من شان نتهجم على اللجنة لكن بس لبينلكن أنو نحنا خسرنا كتير وهادا رأيي ورأي الكتيرين من ولاد المشتى والخسارة بتتجسد بأنو صار القرار للجهات المعنية مو لولاد المشتى يعني (مو للجنة الأهلية اللي كانت عم تشتغل من دون ما تاخد قراراتها من أي مرجع )وأكبر دليل هو أنو السنة أنا نزلت ع المشتى وشاركت بأول فعالية من المهرجان (المسرحية )فهذا ما بيعني أنو أنا ضدو للمهرجان بالعكس أنا دافعت كتير هون وبالمشتى ولكن المأخذ الوحيد عليه أنو تغير من نشاط أهلي لنشاط مسير ومن هالباب أنا عم أحكي ووجه نقدي.
بعدين الكسر متل ما قلت هوي لازم يخلينا نفكر منيح ونراجع أغلاطنا اللي أرتكبناها أن كانت من اللجنة القديمة أو من اللجنة الجديدة . بعدين التركيز كان السنة يا أخ باسم ع نقص المصار هوي أنو لازم يعرفو العالم أنو المهرجان أجا وفتتحو (رئيس مجلس الوزراء) هادا بيعني أنو كان مدعوم من الدولة ومضروبين بحجر كبير بين الضيع المحيطة فينا معقولة أنو الدولة أو رئاسة مجلس الوزراء ما معا تسد النقص بعدين سمعت أنو المحافظ وحاشيتو نزلو كلن على حساب المهرجان بالمشتى ولمدة أربعة أيام (سمعت أنو وصل الرقم لل 170 شخص) بين بعثة تلفزيون ومرافقين و ألخ ......
ولا تواخذني يا جون إذا عم أذكر أرقام
سؤالي هوي ليش لحتا نسمح بهالشي ولا المصار اللي تبرع فيهن المحافظ بينزل فيهن بالمشتى و ع أساس أنو داعمو
بس أنا حبيت وضح وجهة نظري لأنو الظاهر فهموني غلط بالمشتى وخاصة من قبل اللجنة الكريمة وبرجع بقول أنو أنا كلامي ليس موجه ضد أي حدا ولكن بدنا نكون ع بينة بس

__________________
عاشق الرحابنة