مسا الخير يا شباب كيفك يا بسطاطي ويا رامي صرلي شي 15 يوم راجع ع السعودية وكل يوم تقريبا بفتح الأنترنيت وبشوف أنو لهلق العالم متتناقش أو (متتقاتل )
ع المهرجان مع أنو هالحراك كان لازم يصير ع الواقع ومن زمان مو بعد ما الطبخة أنطبخت وأتاكلت وكل أهتمام العالم مصبوب (ع مين هوي المطرب اللي جايبينو) بعتقد يا شباب وبرايي أنو في شي أهم نحنا خسرناه بالمشتى السنة نحنا خسرنا المهرجان وقرارنا فيه بعد ما صارت القرارات تجي من طرطوس بس المشتى وولادها ما وعت لها الشي لبعد فوات الأوان على كلن اللي مرق مرق ولازم نتعلم من أغلاطنا .
ويا بسطاطي حكيك مزبوط وكمان أبو جورج حكيو مزبوط إذا قدرنا نحكم عقلنا شوي بالنسبة لحفلة معين ,معين ما عمل غير التحيات والتشوبش وأنا يا بسطاطي بتعرفني قديش بحبو لأنو بيغني لوديع
وألى أخره من الواضيع اللي متناقشوها هون بهالوقت .

بس في قضية أنا مستغرب كيف غفلو عنا الشباب وما طرحوها وخاصة رامي والبسطاطي مع انو البسطاطي هوي اللي فتح الجبهة هون وبعرف أنو رامي كان مأيدو فيها وهيك حكينا بالمشتى سوا ,
القضية هيي أنو جماعة اللجنة السنة مكسورين ع أكتر من 900000 ألف ليرة سورية
وأسا لهلق في ألتزامات ما وفوها تجاه العالم مع أنو كانو كاتبين التشوبشات بكل قرنة من الساحة وبالأسماء معقول أنو نوصل بالمهرجان لمهرجان تشوبش وتبيين عضلات للي بيدفع أكتر وعلوا لو أنن دفعو ولا ما كان هالمبلغ الكبير اللي مكسورين عليه ,
بس لتوضيح شغلة (رئيس البلدية قال بعد المهرجان أنو الميزانية كانت السنة مليونين واللجنة القديمة كانت قبل ما تترك قالتلن أنو هيي فيها تدبر مليون ومية ألف )فالظاهر أنو هاللجنة الجديدة مانها مشتغلة شي زيادة غير أنهن ركبو عليهن ديون , برايي أنو كان السنة ما في تخطيط لشي بس مجرد كان أستعراض عضلات أنو المهرجان رح يمشي وشو ما كان الثمن ولو بالدين وبالكسر فهادا دليل أنو ما كان في شغل ع الأصول بس لمجرد أنو شوفونا يا عالم نحنا اللجنة الجديدة وشو فو شو عملنا مع انو من ورا الكواليس كلنا بنعرف شو كان صايبهن وكيف كانو عم يفوتو ببعضن وكل ما خلصة فعاليه كانت الكلمة الوحيدة نشكر الله (مرقت ع خير).
أنشاله سنة الجاي جمعية أصدقاء السياحة اللي المشتى بدها تنتخبا وهيي رح تقود المهرجان تكون ع قد المسؤولية اللي بدها تحملها وتضل راية المشتى وبس عاليه فوق كل الحسابات والمحسوبيات واسف كتير ع الأطاله .