موضوع الرقم 5 والرقم 7 ,,,وهي مقتطف من الحوار ::
أسعد ::
عمر المسيح اللي سنينو مش كتار ,,,,,,,,,,,,,,,كانوا مواسم خير وبيادر غمار
ولو بين ميلاد وصعود البحث دار ,,,,,,,,,,,,,,,عمر المسيح وجوهرو بذات العيار
وحقك من الأسبوع يا خمسي تغار ,,,,,,,,,,,,,,,,ولو ما ألو عنك زيادة واعتبار
من بعد ست إيام تكوين الدني ,,,,,,,,,,,,,,,,,,,,,ما كان الله توجو بسابع نهار
موسى ::
الله سبع إيام ساعة ما افتكر,,,,,,,,,,,يخلق دني وبحر وفضا وشمس وقمر
من الطين كون ادم ولما ظهر ,,,,,,,,,,,,,,,,,,,شافو صنم لا علم عندو ولا خبر
تا رقم خمسة يضل مفضل عالبشر ,,,,,,,,,,عطيو سمع حس وذوق* شم نظر
ولو ما الحواس الخمس للجد انعطو ,,,,,,,,,,كان ضل جامد متل تمثال الحجر
*كلمة ذوق موسى لفظها بالشكل الوزني الصحيح ,,,,
أسعد::
لحواسك الخمس العلمهن ماانطوى ,,,,,,,,,,,براسك سبع فتحات شكل ومحتوى
لسانك بفتحة تم عالذوق احتوى ,,,,,,,,,,,,,,,,,,,,ومن فتحتين الأنف بتشم الهوى
وبالدينتين بتسمع الصوت الدوى ,,,,,,,,,,,,,,,,,,,وبالعينتين بتسمع النور الضوى
وهالسبع فتحات البنولك مستوى ,,,,,,,,,,,,,,,,,,,,,لولا وجودن فيك ما منك نوى
وما تقدم الإنسان عمرور الزمان ,,,,,,,,,,,,,,,,,,لو ما ورث من ادم السبعة سوى
موسى ///
براسك سبع فتحات شو هالمفخرة ,,,,,,,,,,,,,,سبعة براس الديب خلقو وافترى
بس الخمس صابيع إيد مغيرة ,,,,,,,,,,,,,,,,,,,,,ما بتنعطى غير للبيحمل تذكرة
الجنة عطوها حروف خمسة منورة ,,,,,,,,,,,,,خمسة المرا الرجال خمسة بمقدرة
ولما انعطا الشيطان سبعة من الحروف ,,,,,,,,,,,,,,,,,دب المشاكل بين رجال ومرا
أسعد :::
ابليس,,شيطان بخمس احرف منين ,,,,,,,,,,,,,تا تسبعو جبت الألف واللام دين
ومن خمس صابيعك في ضدك شاهدين ,,,,,,,,,,,التنتين سبعة التلاتة سبعتين
رقمي ياموسى بيبلعك عالحالتين ,,,,,,,,,,,,,بالجمع بعد تحت مني بدرجتين
وقت البتطرح خمستك من سبعتي ,,,,,,,,,,,بيطير موسى وأسعد بيرجع تنين
موسى ::
برفع الأصابع والإيادي مفلسي ,,,,,,,,,,,,,,,,,,,,,,,,,ذكرتني بسبعات شجرة يابسي
المحبس أخد من خمستي الشكب وقسي ,,,,,,,,,,وحلوي الأصابع بس تلبس محبسي
والعقد خمسي وفيه ليرة مخمسي ,,,,,,,,,,,,,,,,,,,ولولا شرف أسرار خمسي مقدسي
بحيث الوصايا العشر أصلن خمستين ,,,,,,,,,,,,,,,ما بحاكمك غير بالوصية الخامسي
تعريف بالشاعرين ::
أسعد سعيد "أبو فادي"::
ولد أسعد سعيد بالصرفند بجنوب لبنان 1922 ,,,تعلم أصول الزجل بفلسطين فأتقن الزجل الفلسطيني وتعلم فنون شعبية فلسطينية ,,,,
أسعد سعيد مرق بجوقات كتير ,,منها جوقة الرابطة العاملية اللي كان فيها ,,علي الحاج البعلبكبي ((غير القماطي)) وأسعد سعيد والسيد محمد مصطفى و عبد الجليل وهبي ,,,وألف جوقة زغلول الدامور مع الزغلول واللي كان فيها ,,,
زغلول الدامور (جوزيف الهاشم ) وزين شعيب وأسعد سعيد وجان رعد ,,,,,,وبعدين لما ترك هالجوقة ألف جوقة مع شعراء كانوا بجوقات تانية ,,,,,,,,أسعد سعيد ((كان بجوقة زغلول الدامور)) وأنيس الفغالي ((كان بجوقة خليل روكز ))) وخليل شحرور ((كان بجوقة خلود الفن )) وجورج أبو أنطون ((كان بخلود الفن )) ,,,وبعدين غنا مع موسى زغيب بجوقة القلعة ,,موسى زغيب أسعد سعيد إدوار حرب بطرس ديب ,,,وبعدين فترة ترك الجوقات ,,,وبعدين رجع وغنا مع موسى زغيب ,,,موسى زغيب أسعد سعيد عادل خداج وسميح خليل ,,,وبعدين مع زغلول الدامور ,,,الزغلول وأسعد وسمير عبد النور وفايز المغربي لوقت ما تغيرو سمير وفايز بعماد زين شعيب وطانيوس خليل ,,,,
أسعد سعيد ,,وهوي برأيي أول شاعر بالنخبة شاعر لبناني شعر ومنبر ,,,,لأنو عندو خلفية ثقافية عملاقة وعندو مقدرة مو معقولة برصف أبيات الزجل ,,,,,
وأقوى مبارياتو
المتين مع جريس ,,,,,والأوبرا مع السيد محمد وجباع مع زين والمدينة الرياضية مع طليع ,,وساوى كتير مباريات رباعية ,,متل المروانية زين وطليع وأسعد وخليل ,,,ومتل زفتا ,,,السيد محمد مصطفى وزغلول الدامور و أسعد سعيد وزين شعيب ,,,,وكتير من المباريات ,,,,,
موسى زغيب "أبو ربيع""
ولد موسى زغيب بحراجل عام 1937 جرود كسروان,,,,بلش بداية قوية كتير واطلق عليه اسم باز الجبل ,,,,,
أول قصيدة نشرها كانت بمجلة السلوى لصاحبها الشاعر شاكر سليمان من عيون الوادي ,,,,,,
أول شي ألف جوقة تحمل اسمه ,,,,لوقت ماالتقا بخليل روكز ,,,وألفو جوقة الجبل خليل روكز موسى زغيب وأنيس الفغالي وجورج هبر وجريس البستاني وأحمد شعيب وأديب محاسب ,,,,,وضل خليل وموسى الثنائي الأبرز وأقامو كتير من الحفلات وكان موسى بشبابو وبالرغم من هالشي كان جنب خليل كتف بكتف ,,,,,
بعد وفاة خليل روكز ,,,موسى غير اسم جوقة الجبل لجوقة خليل روكز وفاء لخليل روكز ,,,,وكانت الجوقة مؤلفة من موسى زغيب وأنيس الفغالي وجريس البستاني وبطرس ديب ,,,,,وأقامت هالجوقة مباريات مثل مباراة المتين و مباراة المشرف إلى الحفلة الكبرى بدير القلعة ببيت مري ,,,,ومن وقتها تغير اسم الجوقة لاسم جوقة القلعة ,,,,وتغيرت هالجوقة كتير أول شي كانت ,,,مرق عليها أسعد سعيد وإدوار حرب وبطرس ديب وانطوان سعادة والياس خليل وأنيس الفغالي وأحمد السيد وبطرس ديب وأحمد السيد وسميح خليل وعادل خداج ,,,,
موسى زغيب ,,,أنا على يقين كامل إذا غضب عالمنبر مافي شاعر بيوقف بطريقو ,,,,
وأنا بصراحة مرقت فترة قلت محبتي لموسى زغيب ,,,بس حقيقة اسم موسى زغيب وفعلو وشعرو فرض وجودو عليي فرض ,,,,وأكتر كتابين عندي ياهن بحبن هنن كتاب قلم ودف وأنا والسهر لموسى زغيب ,,,,,,,
موسى زغيب شاعر القلعة قطب التحدي الأكبر لحد اليوم ,,,,,
وأقوى مبارياتو ,,,
متين 1959 مع أنيس الفغالي والمشرف ودير القلعة وشارك بالمدينة الرياضية مع الشاعر الكبير عبد الجليل وهبي ,,,ومباراة المنارة مع السيد محمد ,,وكتير من المباريات ,,,
__________________
سامحوني
آخر تعديل بواسطة شفيق ، 02-08-2005 الساعة 03:49 AM.
|