ومال قلب الراهبه المليان دين..........مات العجب لما عرف مالت لمين
لقلب الوطن موجود في جندي أمين..........بعدو بكر قلبو مش موزع حنين
وزهرة جمالو غافيه فيها العطور
وبالطبع بدها العين في كل الظروف..........حسب الغريزه قد ما بتقدر تشوف
ضل النظر بالعسكري الدنيا يطوف..........يقشع مناظر هالدني وقلبو العطوف
فيه عطف الكون وسرار الدهور
ومن غير نيه هيك من فضل الصدف..........مالت عيونو عالهدف من غير هدف
ومن دون ما يشعر شعر قلبو انحدف..........لصوب الفضيله والامانه والشرف
لصوب أطهر قلب اٍنساني غيور
ولما النظر صدفه مع التاني التقى..........تحول شرود النفس اٍمان وتقى
وضاعت الغايات في حب البقى..........والزنبقه من بعيد حبت زنبقه
يا ريت كل الحب من حب الزهور
التكمله عن قريب