يا وليد بيســـــــــــــأل الوجدان *** الإنســــان كيف تكسّر طموحو ؟؟
و ليش لمّا بْيحــــــــــترق فنـّان *** جروحو مع البخّــــــور بيفوحوا
و ليش طق الزهــــــر بالبستان *** و الســــــــــنديان استفقد شلوحو
و ليش السَهر بيعيش بالحرمان *** و هَج القمر هالكان عَ ســـطوحو
يمكـن لأنّو ســـــــافروا الألوان *** لْ كانوا يجوا عَ الشط و يْروحوا
و يمـكن لأنّو هالوطـــن هربان *** من تِـقـْل إيّامو ... من جـــروحو
و بيجوز طلعت عَ السـما روحو