يا رباح لمّا الجــــــــــرح تِشكيلي *** بقطـّفلك مــــــــن الورد تِشكيلي
و بـِـتـْشكّل بْألوانك الحـــــــــلوين *** متــــل شـــــــي فـنـّّان تـَشـكيلي
من شــــــــــفافك بيتقطّف التلوين *** و من رمـــــــوش العين تكحيلي
بتطلع قصــــــــــــيده قالها صنين *** لمّا شــــــــــرب عالغيم أركيلي
و هالشاعر اللـّي غايب من سنين *** يلـّي عاَ جــــــــرحو آخ بتسيلي
لو لا ما شـــــــــافك أول التـِكوين *** ما رَتــّـلِـك آيـــــــــه بأناجـــيلي
من كتر شـــــوقي للحلا .. تخمين *** يا بيير دخلك عنهن حــــــــكيلي
و خبّر قصــايد ..مجـــد مسكوبين *** عن شاعر بأرض الخمر بـِرباح
و شــاعر "بأرض النار" بتشيلي
أرض النار : منطقه مقسّمه بين الأرجنتين و تشيلي .. مرق فيها ماجلان لمّا دار حول العالم