الشـاعر تـرك عَ منبرو آثـار = مثل اليونـان بمجـد أوديسـا
حتى بنى قرطـاج بالأشـعار = عليها بعث من صـور أليسـا
قـدّيش عشـنا بمجدها أحـرار = وليـوم متنـا بصـدر أليسـا
الهيكل طهـق قلبـو من التجـار = ومين غيرك إنت شـرقط نـار
بلش بهـَ الكربـاج يا عيسـى

* * *

من يوم ما كاس الوحي شـربتو = وعَ مـدبـح الإلهـام قربتـو
الإنسـان كان بعيـد عـن الله = وحـدك مـن الخـلاّق قربتو
ولمّـا بوجهـك هـَ المدى تجلا = وما جربك هـَ الدهـر جربتو
مـن كتـر مـا جبينـك تعـلاَّ = شرقط حلا متل البـرق والرعد
وكل الوطـن بالشـعر كهربتـو

* * * *
يا صيفنـا يا معبـد الأسـرار = يا حكاية نجـوم وندي وقمـار
يـا حكـاية لي بحبـك تلـوع = يا حكاية الراعي مع المزمـار
صحبـة الشـاعر معـك أرفـع =من صحبـة التاجر مع السمسار
قدّيش كنت مـن الحـلا تدمـع =لما بمـداها تسـرح الأفكـار
* * * *

وقدّيش كنت على الجبـل تطلع = توعّـي العـود تبنج الأوتـار
وليوم بعرف صـرت تتـوجع = تعبـان متل الريـح بالمشوار
ومتـل الغيـاب مختيـر بتطـلع = تذكّـر شـبابو يوم كان نهـار
لكـن لأنـو العمـر ما بيشـبع = وبيجَـوّع سنين العشب للنـار
* * * *
ما زال طـلّ الشـعر وتربّـع = عن يميـن الأب إبنـو البـار
يسهر عَ شرفة من الحلم أوسـع =وجهو صبي بس الجمر ختيار
ينـده عَ بو مخاييـل ما يسـمع = وأركيلتو ترد الصدى من الـدار
لا تخاف يا صيف الدني اروع =من سطوة الحكام و التجار
* * * *
سليمان كان بوصفهن ابرع = صارت بيوتو للقصيدة مزار
سليمان كان يغازل الأطيار = و عيسى المسيح اللي بّنج المسمار
ما زال بعـدو جبينـك مرصّع .= ومازال في بمشتى الحلو شاعر
نصّـو نبي نصّـو إلـه اختـار = من هيك عنّا بيصلبو الشعّار

* * * *
مشـتى الحلو قدّيـش مشـتاقة = تقطف من زهـور الشعر باقـة
حتى تشـم العطـر من خـدّك =فتحت على تلال السـما طاقـة
يا بحر كل ما يطوف من مـدّك= موجـة مـن الإبـداع خلاقـة
وكل مـا تلاقـا دفتـر بيــدّك= بـدّو القمـر بالشـمس يتلاقـا
المشتى يا شجرة كان إلها وراق = صـارت شـوي شـوي تتمرّا
ومن بعد ما كاس المحبّـة راق= صـارت علينا تعتـب الجـرّا
قدّيـش كانت عَ نبـع رقـراق =الشـمـس تتمشــط وتتمـرّا
وما زالهـا لعبـة المـيّ فـراق = صـارت بعد ما الأهل باعو الأرض
الغرب جـوّا والأهـل برّا

* * * *
سـليمان قـدّم للطفـل أشـعار =مثل النـدي عَ زهـورنا انصبّو
لحبّـو أناشـيدو وهنّي زغـار =تربّـو وحبّـو الناس وانحبّـو
وليـوم لو فينا عرف شو صار =بيرجـع الفـار بيلعـب بعبّـو
قدّيـش عَ الأطفال وصمة عـار =من بعد ما تربّـو على سـليمان
عَ شـخبط شـخابيط يتربّـو

* * * *
يا سـليمان يا فالش طمـوحك =على آخـر مدى حدود البعيدي
كتر ما بالشـعر نزفت جروحك = صفّـا لونهـا الأحمـر نبيـدي
وكتر ما شقعت بالعالي صروحك = حيـاتك راسـخا متل العقيـدي
وكتر ما بالطفولي سكبت روحـك = وكتر ما حفظت الأطفال اسـمك
اسـمك صـار شـطر من القصيدي

* * * *
مشـتى الحلو أوّل ما كـونها = الله بـريشـة سـحر لـوّنهـا
مثـل جبـلة نـار منهـا طـلّ = النـور تـا يغـازل مفـاتنهـا
ولليـوم بعـدو لونـها ما حـلّ = يمـكن خلقـها الـربّ عَ تنهـا
ولو غـاب مجد الكون ما بيضلّ =إلاَّ قصيـدي قـالهـا سـليمان
وجمّـع حنين حروفهـا عدنـان = ودلبي عتيقـا شـامخا عَ الكون
بهـَ الكـام ورقـا الباقيـة منهـا

حسان البسطاطي/ صيف 2007

***