***

غني ياشعري وسمع ضيوفي = حكايات ليل الشاعر الصوفي
حتى حفيف الريح عالورقات =يفيّق بهمسو مارد حروفي

خبى بقميصي الليل جنيات = بتدق عاعودي وعلى دفوفي
تاصرت أتقمص الغنيات = وأوقع عكتف الآخ معزوفي

ومروان يامروان خود وهات = نردات فوق الغيم محدوفي
وخلي كلامك للسما تريات = تضوي مطارح غير معروفي

لوعطشت بعصرلك من الدمعات = وبسقيك دمع الحب بكفوفي
ون جعت يامروان للكلمات = بعملك من القلب لفلوفي

وبعطيك من حزني فراقيات = ن كانت ورود اللحن مقروفي
وبهديك محرمتي أنا بالذات = ن كانت عيون الشعر مطروفي

ولولا كلامي تقيل بالردات =وخليت كل الرووس مقطوفي
ببقى حنون ن عنت النايات = بفتح قبال الكل مظروفي

وبشلق زجل ت تصير المخدات = من كتر تقل الحلم منتوفي
وبغسّل فساتين للنحلات = تاكمل على العطر معروفي

وهلق قبل ما روح تالحفلات = بعدي تصفي بيوت مصفوفي
بدكن بعد بكرا ع هالصفحات = تقولو بعد ماراح مرهج راح
الالهام واللي ضل نتوفي
**
شعر مرهج