[quote=راجح;36309]مجرد اقتراح
مبين انو في فريقين أو أكثر من يللي بيكتبو زجل وشعر ..وبما انو ماحدا استجاب لاعلان الهدنه بشكل ايجابي بدون شروط ..فأنا بتمنى أنو كل فريق يلعب مع حالو ..يعني :فاتح ومفلح و راجح وهب الريح وسجيع وحسان اذا بدو منتسلى مع بعضنا ..والباقي اذا بدهم يتسلو مع بعضهم ..وأنا مارح قرب ع حدا من الفريق التاني لابالشر ولابالخير..وأنتو رجاء لاتقربو ..وخلونا هيك مبسوطين ..والله يديمكم ..
هلق بيطلعلي حدا وبيقول عمسبكم .. أو بيطلعي اسم حدا وبيسب فيي ..أو بيقولو عنصريي أو أي عذر بس للمشاغبة ..وك ياجماعة خدو تلات رباع الأرض واتركولنا كوخ عضفة نهر
وروحو العبو قد مابدكم ونشالله بتكتبو ملاحم خالدة ..افتحو صفحات جديدة الكم للعتابا والمعنى والمساجلات وخدو راحتكم والكم كل الحقوق الشرعية وهيي حقوق مكتسبة وطبيعية ومش هديي مني ..واستعملو اي كلمات بتوافقو عليها مع بعضكم ..
واعملو صفحات لشعر التفعيلة وصفحات نقد وتعليق
واذا حدا بدو يعمل فريق تالت الو الحق وعراسنا ..بس خلونا نترك مسافة ..ورجاء ماحدا يقول شايفين حالنا ..القصة ومافيها بس تانتجنب الحرب الأهلية ..وكمان رجاء ماحدا ياخد الموضوع بسخريه ..
وبعدني عند كلامي كأشخاص انتو بعيوني جميعا
وتعوا ننسى الماضي ونبلش بشكل مختلف
والاقتراح برسم المشرف
وسامحونا اذا غلطنا معكم وانتو من القلب منقلكم نسينا ورح ننسى
راجح [/QUOT
هيدا حكي دهب وسكر ومن الأول
كنا بنتمنى تكون ها الروح الرياضيي
وما في شي يحرز كلنا عم نتسلى وما حدا يقبض مصاري بس ما لازم حدا يزعل من التحدي
والكلمات القاسيي وكل كلمة ما بتعجب انسان يبعتلو رسالي يطلب منو يعدلا وما صار شي
وبلا عداء لأنو متل ما قلتلكم في كل شي بحص ودبش وحجار
وانا من جهتي رح ضل فلت كم كلمة تزعجك بس ما تزعلك
وألك مني كل الأشواك المقدسي بركي بتعلمك طعم الألم والمحبة ترافقك
وانا موافق ولو بدك تقلي ما خصك
تحياتي  |