منتديات مشتاوي - عرض مشاركة واحدة

بسطاطي · #3 09-01-2008

اقتباس:

المشاركة الأصلية كتبت بواسطة فاتح

هديه للشاعر حسان بسطاطي بمناسبة فوز جائزة سعيد عقل به

طَقْس القْيامِه

_________

طَفَّيْت وِجِّي

وِدْخَلِتْ .. دَفِّي سْرير الرُّوح

وْ بَلَّشْت هَجِّي

غَيْبْتِكْ

دَمْع .. وْ حِزِنْ .. وِجْروح

قَدَّيْشْ شَمْعِة هَيْبْتِكْ…!

بِتْمُونْ عَ الأشْواقْ

تا كِلّ ما سَكَّر حِلِمْ .. لاقِي حِلِمْ مَفْتُوح

***
شُو طَلَّعِكْ

مِنْ زِرّ غَفْوِه مْنَهْنَهَا

عِرْوِةْ صُوَرْ..؟

وِحْرُوف

تاكِمّ وَرْد العاطْفِه

الزِّرّ اشْتَهى

وْفَتَّح قَمَر

عا كِمّ ليْلِةْ صُوف

****

بْخَدِّ المْخَدِّه شِفِتْ شامِهْ..

بْتَعِرْفي؟

يِمْكِنْ لهيب الشّوق .. تـَ تْنامي

حَدّي

نَقَفْ عا شَرْشَفي

صوت الْبِكي

وْعَلّم صَدى .. وِجِّكْ عَ المْخَدِّه

يِمْكِن حْرَقْتي بْغَيْبْتِك

خَدِّي

قَدّيش ليْلك بـارِد .. وْحـامي

هالطّقس يِمْكِن طَقْس اْلِقْيامِه.

د. إياد قحوش 14/11/2007

يا إبن وادي من حلا
بيطل عا جبال الصلا
من فوق بتحوّش صور
و الشمس تشهقلك هلا

ومن فوق بتدحرج قمر
شلال زنبق بالفلا
بتوقع عا بستان النظر
تلاقي المدى فيك انتلا
و الشمس تشهقلك هلا ...