اقتباس:
المشاركة الأصلية كتبت بواسطة حسن بنوت
يا راجح كيف حالك يا زميلي=يا بو الهمه يا بو القامه النحيلي
بهالمشتى إلك وقفات حَره=ولوحدك بس خيّال الاصيلي
وأنا لو كنت جوا وصرت بره=العتب مش عالثقافه بهيك حيلي
العتب عا ناس برو ألف بره=وقبلو بالشتم شعر ووسيلي
وقبل هلق معي مره عا مره=علقت علقات مره مش قليلي
وعراسك كسّر الجره عا جره=وعا عنقك مرّق مقص الدليلي
وأنا لو قبلت أني كون شرا=لاشعار المهته والرزيلي
لازم اترك حدود المجره=وأنزل عالارض أنشر غسيلي
جعفر حر نفسو نفس حره=وبهالمشتى إلو عز وفضيلي
بصابيعو القلم لو جر جره=الوحي بينزل على رجال القبيلي
وأميره بعدها وللتاج دره=ثناء الشعر والروح النبيلي
بفصيح وعامي عنها تحرا=الادب مشعالها وأشرف متيلي
وسليمان فكرو ما تعرا =من الكلمه من الصوره الجميلي
بوجدانيتو شعرو تمرا=ورمز عن رونق الشعر الخليلي
وحرف ما بين نقشه وبين طره=قصف عمرك بضربات التقيلي
وعاجنبك لو جبت إبن المعره=مافيكن تسبقوه بربع ميلي
ونجيب العلمنابر كر كره=وصدا شعرو من طيور الخميلي
اذا من اسم مشتاوي تبرا=لانك انت بهدلت السليلي
استحي عا حالك وعيف المضره=وعين الضيقه ونفس البخيلي
ما عندك من حسيس الشعر ذره=ولا ردات فطريه أصيلي
ولحتى نرد للناس المسره=أنا داعيك تمرق من سبيلي
تعا من صوب مني ومر مره=وشوف الدرب ياراجح شو صعبي
بيّن بحور الشعر وظهر قوّتك=وخلّي القمر يحني يبوّس نوّتك
مهما كبرت ما بتركك ما بفوّتك=مع كم جمل في خرم إبره بفوّتك
بحطك بشيلك بهبلك وبخوّتك=وخمسين قامه لتحت بحفر هوّتك
وخمسين قامه بدفنك تحت التراب=هيدا إذا بيخطر عبالي موّتك
|
******************
بليله خدّها تـــــــــــــفاح شامـــــي --- وقمر نيــــــسان فوق الخد شـــــامه
الإله بأردن المــــــــــــــــنبر تعمّد --- ملك.. والــــتاج من فوقو حَـــــمامه
أنا ياشــــــــــــــعر ريح لْ ما بتهمَد --- بْلِفْ الكــــون وبإيدي غَـــــــــمامه
بْمرّقها على جــــــــــــواهر الفرقد --- تَ نفّــــضَها من غْـــــــبار المَلامه
وأنت يامحتمي بعادل وأســـــــــعد --- وعلى قرامي الزجل عامل حرامي
اذا بنـــــــفخ بوجّك هالمـــــــــجعّد --- مَ بِترك غير صــــــــفوه عالقرامي
أنتِ ضـــــــــعيف.. تقليدي.. محدد --- بتشــــــــحد مجد ع حساب الكرامه
ومن الزغـــــــــلول لماطلبت مقعد --- دفّعـــــــت الزجــــــل أكبر غرامه
وعــــــيب عليك مجد الزين تشحد --- وتحكي عَ التّشابه بالأســــــــــــامي
وأنت و حي مـــــــــيت يامـــــــعقّد --- وهوّي وميّت بيعـــــمل قـــــــــيامه
أنت لاشـــــــــــــاعر ولافيك مرقد --- لِ عنزة شــــــعر.. وبراس العلامه
لافاتــــــــح بِ ردّاتك بيســـــــــعد --- ولاحـــــــــسان عاطــــــيك العلامه
وقبل مرّه التقينا وكنــــــت أجـــود --- وأشــــــــــــــــمخ منّك بمليون قامه
وتركتك عَ بحص خــــــوفك ممدد --- تْدوق الذل بكفــــــــــــــوف الندامه
رجـــــعت راسلتني وطلبت موعد --- وأنا مَ قبلت عِــــــــــيرك اهتمامي
لأني مَ بْمرّق دقــــــــــــــــن أمرد --- متل دقنك على شـــــــــفرة حسامي
استحي من شِــعرك الجمرو مرمد --- اســــتحي من فكرك لْ لَونو ظلامي
استحي من مرطـــــسة دم لْ تَجمّد --- طِحل محــــــروق بعروق الشهامه
استحي من رفــــيقك لْ زوّر و فنّد --- واذا بيشــــــــــــهد بيشهد عَ كلامي
ولوعندك كرامه برمل أســـــــــود --- بتدفن قرعتك متل النـــــــــــــعامه
واذا لســــانك أســـــامي كتار عدد --- و رِدت تعمل عن رفاقك مــــحامي
مَ فيه الشـــــــــــاعر لْ هوّي مهدد --- عن مْهدد يدافـــــــع أو يـــــــحامي
وأنا رفاقي قـــــــــلام بكل مـــنجد --- ســـــيوف بتبطش .. بترفد قــلامي
أنا وحســــــــــــــان معبد حد معبد --- وأنا وفاتــــــــــــح متل توأم سيامي
وياحــــــــــــــسان عالتاريخ اشهد --- ويافــــــــاتح سجل النصر الختامي
واذا ما بســــــــــحن الراس المقدد --- واذا مَ بْمد فوق الشــــــــمس هامه
واذا مَ بكون فوق العـــــرش أوحد --- لا بطلع عالمـــــــــــــنابر بعد هلّق
ولا بْعرش الزجل بطلب زعامه
*************************************************
بتشيلني!!.. بنشــال من عينك عبر--- بتحطني مرهم تَ كِســرك ينجبر
بس الجَــمل تَ تْجــن وتْذيع الخبر--- بمسلّة اللي تحــــــت باطاتك عبر
ولودفنت قامـــة من الكبير المعتبر--- حوره تحدّي شِلشها بأرضو انقبر
بيضل منها ألـــف قامة بالســــــما --- فروع لي بدها تْشك بعــيونك ابر
راجح