مين اللي فتح الردة ؟؟؟ ........ " مسرحية "
تبقى بلادنا بالحمام مسيجة
و يضحك عهالوادي غيم بنفسجي
و لما على بنياتها يهب الهوا
يصير الهوا عا بوابن يروح و يجي
و تبقى بلادنا تضحك بهاك المدى
و ابقى أنا و الليل نمشي عالهدا
يقلي رح عتم الدنيي عليك
تا لعندهن توصل ما يشوفك حدا
وردة عين الصواني ماشالله شو حليانة
لونا الزهر مبكي النهر من القهر و مش دريانة
و لونا الزهر مبكي النهر و يمضى الشهر و بعدو الشهر
بتتذكرني قبل الضهر و بعد الضهر بتنساني
لونا الزهر مفتح زهر و شعرا دهر مبدد دهر
و معها مهر إتنعشر شهر و أصايل سبعة تماني
في وردة عسياج النوم غرقانة صحاها اللوم
عطرا فاح بأول يوم انقطفت باليوم التاني
أووووف... قالي في حلوي بهالفي كتبتلا إسما عالمي
و سما الجيرة و سما الحي و لولا شوية سماني
مين اللي فتح الردة؟
أنا اللي فتحت الردة
و ليش الردة عوردة؟
بالصدفي قلنا وردة
قربت توصل وردة
ايـــــــــه قربت توصل
مين؟
وردة
إنتزعت السهرة
هالحكي من قلبك؟
إيه إيه من قلبي
وردة بتوصل من هون ...أنا بفركها من هون
و لوووووو شو هالقسا بعدك مزاعلها
عطول مزاعلها ....عالعمر مزاعلها
و مطرح ما بتكون..... أنا ما بكون
يا خسارة الحب ....يا خجلة الأمل
تهرب الإيام .....تخلص بلا أمل
و تبطل وردة تكون
راية البرج و نجمة التلج غنية الحسون
هيدا كان من زمان
يا أسف الليل مضي وقت السهر
و تبقى وردة تنام عاشباك السهر
انتا اللي كنت تقول وردة الورد
زهرة البرد عصفورة أيلول
هيدا كان من زمان
و لما عبدو تطلع بوردة مين هجم ععبدو؟
أنااااااا
و لما بردت مين شلح الكنزة و لبسها لوردة؟؟؟؟
أناااااا
و مين كان بدو يرمي حالو عسطح البلدية
كرمال وردة الجورية؟
أنا أنا
عسطح البلدية لو ما يتهدوا فيّ
كانت راحت عليّ عاسطح البلدية
كانت بكيت شوية و نسيتني من عشية
لو ما كبر عقلاتي عسطح البلدية
و يا هيك القمارية المنسية و مش منسية
بعدك قصة مكتوبي عاسطح البلدية
تذكر
أووف
كبر العنقود و خلص العنقود
وبعدن عم يبكوا بقلبي عينيها السود
كنا نتلاقى تبقى مشتاقة
لفتة حراقة للدمع تجود
و نبقى نتخبا بليل الأحبا
مدري يا قلبا بشو موعود
أنا وياها تزاعلنا
مدري كيف تزاعلنا
ليش تزاعلتو على شو؟
مدري كيف تزاعلنا
مش فايق ليش و على شو؟
فايق إنو تزاعلنا
بيقولوا بكتب الهوى اللي بيحب ما بينسى
بيقولوا بكتب الهوى عالبعد القلب بيقسى
بيقولو بالقصايد عن حال العشاقين
شوقن بيضلو زايد بيضلوا مشتاقين
إلا ما بيتلاقوا سوا ما بتهدى نار الهوى
هلق وردة جايي تسهر لا هي زعلاني و لاشي
إذا وردة إجت تسهر بترك السهرة و بمشي
ما بيصير تروح
رح روح
إجت وردة:
سعيدة سعيدة
أهلا بوردي
سهرية سعيدة
اقعدي يا وردة
ما بيسوى روح هلق كرمال الموجودين
كيف حالك يا وردة؟
منيحة
و لوووووووو صوتا شو حنون
ليش واقف إقعد
إيه إقعد
إيه بقعد
و السهرة سهرة الحب
دار الدوري عالداير يا ست الدار
و حامل هالقصة و داير داير من دار
طاير من فوق سهيلي رف حساسين
يرفرف من ميل لميلي نأود ياسمين
طل الليل و يا ويلي شاف الحلوين
صار الليل بهاليل يعشق و يغار
قلبي صاير مجنونك ناطر عالعين
لا تقسي عليي ظنونك مالي قلبين
يا حلو يللي بصونك بريف العين
إن ضحكوا بهالليل عيونك بيصير نهار
وصيتلك تقطفلي أول عنقود
إسود الكرم و موصفلي عناقيد السود
خدني و طير بشي غفلة و الدنيي برود
خليني بقلبك طفلةو خلينا زغار
يا قراشة هاك الجيري خصرك ممشوق
بقرب صوبك بتطيري و شم و لا تدوق
لا تلوميني عالغيري و تقولي روق
ما في عاشق يا زغيري عقلاتو كبار
كانوا زغار و عمرهن بعدو طري
و لا من عرف بهمن و لا من دري
يقلا بجيب الريح تاتلعب معك
و بكتب عيونك عالشتي تاتكبري
و كان كان ياما كان في بنت و صبي
يقلا بعمرلك قصر تاتلعبي
و طار الزمان و بعد في كومة حجار تصرخ يا إيام الزغر لا تهربي
و طليت عاحين بعد غيبة سني و لقيت الدنيي متغيرة بهاك الدنيي
متل الغريبي مرقت قدام البواب و ماحدا منهن سألني شو بني
يابا أوف سهرنا سهرنا يا ليل الأزرق سهرنا وعاحدودك نجمي سهرنا
يابا أوف مرجحنا مرجحنا يا بيت الحلو مرجحنا و على إيام الشوق إشلحنا
يابا أوف بعينيي بعينيي يا قصص العمر المنسيي وعتبك عم يبكي بعينيي
يابا أوف عم تومي عم تومي يا بيوت بزنبق مرسومي عالعالي سطوحك عم تومي
إنتي من وين؟
أنا من بلد الشبابيك المجروحة بالحب المفتوحة عالصدفي
و إنتا من وين؟
أنا من بلد الحكايات المحكيي عالمجد و مبنيي عالآلفي
مرقوا مبارح عالعالي
مرقوا فوق الليالي
كانت إيديهن ممدودي و عيونن عم تتطلع
صوب الإيام المشهودي يمشوا و الرايي تلمع
كانت عاوجوهن مكتوبي أسامي أهلن مكتوبي
أعمارن ضحكات زغارن و الريح تروح و ترجع
كانت أصواتن مسموعة متل الشلال الهادر
و إيديهن سمرا مرفوعة تحصد قمح البيادر
صاروا الغنيي العم تزرع بالأرض العطشاني تزرع
صاروا البيدر صاروا المصدر و الشمس اللي عم تطلع
و عمرها بإيدين تعلي بسواعد بالمجد و بالقصد المارد
عمرها تضحك بيادرها
عمرها بجوانح بيضا بمحبي كامح يكبر حبي حبي
عمرها و زين قناطرها
عمرها عاأساس الحيطان الصلبي عالعتبي بتساند عتبي
عمرها نسم يا شجرها
عمرها بيوت مضويي و مقصودي على إسم النعمي مرصودي
عمرها ضوي يا قمرها
عمرها بسواعد عمرها يإيدين عمرها بمحبي و إسقيها بريف العين
يابا يابا يابا أوف .. أوف