[ ]الأخ جعفر والأخت ثناء

التزاما مني بتنفيذ ما وعدت به في ردّي السابق، باللغة الانكليزية ، على ما كتبتماه عن المشتى ، والردود التي وردت عليه .....
أقتطف هنا أبياتا من قصيدة كتبتها سابقا ونشرتها في موقع / مشتاوي / هذا ؛ قلت
-------ا :
لمن عالمشتى بتطل
بتشوفا بأجمل تكوين
عالبلكون تشوف الفل
تسقيه عيون الحلوين
حلوة تهل وحلوة تفل
هلّة قمر بكوانين
بعيونا الحلوه بتدل
عليك وما بتسأل من وين
عندك عقده عنا حل
وهيك نحنا ربيانين
ربيانه ترحب بالكل
بتعرف حالا هيّ مين
**
المشتى وعيون الوادي
بقرعوني ووادي الكفرون
لمهيري ، وجوّا الهادي
بساتينا مية لون بلون
لحكورا عم بتنادي
جنين ومدبت جوز عيون
وبالحفه الطير الشادي
وببقطو كروم الزيتون
وبالوادي ترد ( الوادي )
تقول تفضّل نحنا هون
من بيت بدرا الزوّاده
( وبالنبع ) يغنّي الحسّون
قطعه حلوه من بلادي
فيها تجلّى سحر الكون
*******************
شكرا لكما

المهيري /ايار /2007


جرجس ودبع الموراني ]