متلّتي :
كــــــــــفّك إذا بدّك بكــــــفّي خمّسا
و مين اللي بالــــتتليت فاتح خَمْ مسا
رح تــلّتا و رح ربّعا و رح خمّسا
و رح سدّسا و رح سبّعا و رح تمّنا

مربّعه :
إذا بتـــــــــــــحب إعطي بيت تلتو
إنت ما فيك تـــــــــحمل وزن تلتو
طيفي بيـــــــــوقف عْلا راس تلتو
و مش تتلـــــــــــيت لو حبيت تلتو
بخـــــــــــمرو بدوّخ شيوخ الأدب

مخمّسه :
إذا بتـسن شـــــــــــرع كتاب سنّي
تعاليم الجــــــــــــــفر بتسن سنّي
و إذا بتســـــن سن الســــيف سنّي
و إذا ما بحــــــــترمني بكبر سنّي
إذا بتـــــــــــشوف لمعة شر سنّي
تخـــــــــــبّى قبل ما يحل الغضب

مسدّسه :
فاتـــح في خيالو الخصب عرّا بْ
جرأة كل مــــــــــين كتاب عرّب
لأنو اللي اتكل بالــــشعر عَ الرب
متل مرأة عَـــــروب الفكر عرّب
و قف عَ مــــنصّة التتويج عرّاب
شـــــــفيق اللي من الشعّار عرّب
و أول مـــــــــــين وقّف عا جنب

مسبّعه :
يا كلمي إلبـــسي من العطر حلّي
و حلّي في بيوت الشــــــعر حلّي
ضيوف المنــــتدى الحلوين حلّي
و بطيــب الذوق أهل الذوق حلّي
و إذاعَ النار عم بتــــــــفور حلّي
رميها وكل هالمــــــوضوع حلّي
حلّي إخلــــــــص من شْفيق حلّي
و طفّي المـــــــوقد و رد التراب

متمّنه :
إذا فاتح طريق الشــــــــعر سلّك
تحت باطو متل قـــــــــبّوط سلّك
إذا تحت التراب انــــــــسل سلّك
بعد ما سل حالو الــــــــسل سلّك
مبارح بالشعر عبّــــــــــيت سلّك
وهم ضـــــــعفك بآخر وقت سلّك
و من هالـــمنتدى و لا سيف سلّك
و إذا مستــــغرب من الناس سلّك
حدا كيف النــــــصر غِلب انقلب