الغالية ثناء ...
دائماً متجددة ...
دائمً مُبتكرة ...
دائماً سبّاقة ...
حاولت أن أشارك في موضوعك هذا " أجمل الردود "
حاولت أن أختار أجمل الردود في " تحف صغيرة "
فوجدت أن كل مقطع كتبته أنامل الشعراء المشاركين ...
هو فعلاً "" أجمل الردود ""
فوقعت في حيرة من أمري ...
ماذا سأختار ؟؟؟
وبعد أن لعبت مع نفسي "" طـرّة ونـَقِشْ ""
قررت أن أختار ما يلي ...
من جميل ما كُتِبَ
تعليق شاعر جوقة الدلب " الشاعر حسان بسطاطي "
على المنتدى وشعراء " تحف عا صغير "
ها المنتدى شوكان ؟؟؟؟
كلمات منتحرا
لا سحر لا ألوان
متلو متل صحرا
****
احتجّو عليّي كتار
لمّا قلت بدّي
شعر نور ونار
وزنبق عم يندّي
***
لكن بعد ماهالشعر غيّم
وشتّى ع رمل الصبر
حتّى قلام الناشفة نيّم
ووعى قلام الحبر
***
وين كنت يافاتح بهالغيبي ؟؟؟؟
تأخرت ماطليت
كان الشعر رح تاكلو الشيبي
وحّرشو دراج البيت
***
وأنتو ياهالشعار
لعم تكتبو بالمتر
انشالله تعودو زغار
وتكتبو بالفتر
***
اشتقنا لهيكي شعر يافاتح
صفحات غبّرها الزمان
لكانو يعدّوه البشر ( فاتح )
ياريت متلك كان
هذا العاشق الذي يلاحق معشوقه ...
من تحف الشاعر والأديب " جعفر حيدر "
يا حلو يلي كنت عالشباك
تنشر سما جديدي
وترخي جدايل حكي ما أحلاك
تفتح دني بايدي
وتوزع حروف العشق
شو باك
بتضل لاحقني بغربة هون
أنت والدلبة
مع الأنبوب
والسيدة
والدرب لجديدي
تحفة الشاعر " فاتح "
الموجّهة إلى كل شاعر ...
لمّا بتكتب شعر
هِز الكون
نقّي عَ ذوقك
لون
مَشّي الطبيعه
متل ما بدّك
متل لْ كأنّك إنت
وحدك هون
و عم يمرق التاريخ
من حدّك
وهذه من تحف الشاعر فاتح ...
يقول لنا بأن بعض الأشياء لا تـُطـْلـَبْ ...
بل ... تـُؤخـَذ ْ !!!
مبارح
سمعت الزنبقه
مَتْوشوشو
حاجي بقا
شو قصّتك !!؟؟
يا هالحلو شو قصّتك
عيونك بخصري معلّقه
.....
حاجي تزيد بغصّتك
و لو كانت شفافك
عَ تمّي مْحَرّقه
.....
منشان تقطف
من الزنبق حصّتك
لا تطلب البوسي
من الورده
اسرقا ...
__________________
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً. |