من أجمل ما قرأت من الردود هذا الرد للدكتور الشاعر إياد قحوش والذي كان قد شارك به في القسم العام بتاريخ 15/4/2005 ...
كلمات الضيعة البسيطة التي أخذتني إلى مسرحيات فيروز في مشهد المصالحة :
15/4/2005
اقتباس: |
المشاركة الأصلية كتبت بواسطة غير مسجل
انو انا محروق سلافي من العطش ببراري هالغربه وبقول بشق عضيعتكون بلكي شي صبيه بتسقيني شي كاسة مي .. بقوم بلاقي العالم هايشي عبعضا بالربوشي والفراريع والمناجل ..لك ليش ياعمي ..قال مختلفين مين بحب القمر اكتر .. | شوفو هالسيناريو الرائع المحبوك بكلمات ستي وجدي والضيعة ( محروق سلاّفي - براري هالغربة - بشق عا ضيعتكون - بلاقي العالم - هايشة - الربوشي - الفراريع - المناجل )
كلمة ( لك ليش يا عمي ) شو فيها تساؤل كبير وختيرة جدي وجدك وستي وستك وحكمة كبير الضيعة ....
وشوفو هالخاتمة الحلوة لهاللوحة اللي رسمها .... قال مختلفين مين بيحب القمر أكتر
شو رأيكن؟ أليس إبداعاً هذه الصورة التي تحكي إلنا تراثاً نحنّ إليه ونشتاق له . الله الله يا د. إياد
معاناة الغربة، اشتياقو لشرب المي من إيد شي صبية حلوة تروي عطش اشتياقو للضيعة... وجفاف ريقو من عذاب الغربة ولوعة البعد ...
بتمنى تقروا هالنصائح الهادئة الراقية : اقتباس: |
المشاركة الأصلية كتبت بواسطة غير مسجل
ياجماعة انتهى الخلاف ..وشكر كبير لتجاوب الزهور من الميلتين ..بس الي كلمه زغيري رجاء تقروها بتروي:
1- في بريد خاص لكل المشتركين استعملوه ..وقت في شي ما ببعجبك اكتوب لصاحب الموضوع عالبريد الخاص
2- فيكون تراسلوا المشرفين ليتدخلوا من ورا الكواليس ..وبيجوز تقترحوا محي رد او تعليق مو مناسب قبل ما تطلع ريحتو
3- الاسلوب مهم ..يعني بدل ما تقول لشخص : كذاب وهي كلمة بتولد رد فعل سلبي فيك تقلو: بختلف معك بوجهة النظر هي وبظن هالحكي ما بيخرط بمخي ..مثلا ..
يعني عمهلكون عابعض ..
ما رح احكم لاني ماني قاضي بس بطمنكون انو الامور رح تتحسن ..ارجو عدم زت اي تعليق بينسف للي وصلنالو ..للي عندو كلمه حلوي يقولها وللي ما عندو ما يرمي دبابيس
اذا رحتوا عالمديحة اليوم تذكروني .. مع محبتي وبحفظ الله
اياد قحوش | د. إياد الله يطوّل بعمرك ويديمك شاعر كبير معجون بحب الضيعة والبساطة والطيبة.
ثناء
__________________ ســـوريا يا كمام الورد ** لونو عا خدودك صـافي
عندك مني أحلى وعد ** رجعة عا الحضن الدافي
|