أعزائي
بما أنّ أحدكم لم يبدأ بالمشاركة في هذا الموضوع فسأكون أنا أول من يقص شريط الافتتاح ويشرفني ذلك بأن اخترت هذا الرد الجميل للشاعرين : فاتح & وجعفر : اقتباس: |
المشاركة الأصلية كتبت بواسطة جعفر حيدر
ليش نحن منهرب من بلادنا
وهيي بعمرنا زادنا وزوادنا
صوب الخليج تمددت أبعادنا
وهون بأوروبا استوطنوا أولادنا
قولك كرهنا ولادنا وأجدادنا ؟
قولك كرهنا أرضنا وميعادنا
أو صغرت علينا ضياع الوالدين
وتوسعت متل الفقر آمادنا ؟ | فيرد عليه الشاعر المبدع ( فاتح ) : اقتباس: |
المشاركة الأصلية كتبت بواسطة فاتح
لمّا بأرضو بيرخص الإنسان
و المعرفه بتنباع بالميزان
و بيصير يغلا الخبز و الحرمان
و الحاكم بيتألّه
و شعبو
على كعبو
بيتأوّه
بينزل الإنجيل و القرآن
عليه و على كلشي معو
و شمس وقمر عم يركعو
تَ يحملوه بموكب الديّان
و كل لْ بصيرو يكتبو
بيسرقو و بيقتلو وبيكذبو
و كل مين يا جعفر كفر
و كل مين عم يخطى بهالجنّي
بيشرّع بواب السفر
و بيترك الجنّي
إلُن هّني |
__________________ ســـوريا يا كمام الورد ** لونو عا خدودك صـافي
عندك مني أحلى وعد ** رجعة عا الحضن الدافي
|