مسكت الحقيقة خلعتها كفين
ولعنت بي بيو اللي خلّفها
وشلحتها بغابة وعالميلين
الوحوش والخوف بمدار العين
هيدا لهداكي صار يشلفها

ومرت سنين كتار وصحابي
راحو وهجروني
وبقيت وحداني
وطلعت متل مارد من الغابة
تطلعت بعيوني
وخلفا زمان كبير
تاريخ انساني

ومر الزمان وصرت بالغابي
وكل يوم بموت كم مرة
بالسر صرت بمزق تيابي
وبموت بالحسرة
وصرت أدعي تطل عابابي
وتخوفت لاروح ما عرفها
ولما أجتني هيك عالغالبي
مسكت الحقيقة خلعتها كفين
ولعنت بي بيو اللي خلّفها
وشلحتها بغابة وعالميلين
الوحوش والخوف بمدار العين
هيدا لهداكي صار يشلفها

وطنـي غربتـي .... وشــعري زمـاني