معك حق يا حسان ,,,,


رح قول شوي عن حياة فقيدنا الحبيب أبو علي حسب معلوماتي::


ولد زين شعيب في ضيعة الشرقية(قرب النبطية) عام 1924 وانشهر بمرجلتو من وقت ما كان صغير قام أطلقوا عليه اسم أبو علي ,,وفيكن تقولوا كانت مطلع شهرتو وقت وجه ردة للشاعر الكبير المرحوم علي الحاج القماطي وقلو::

يا علي عا بوعلي لا تعتلي,,,,,,,,,,,,ساحة علي التلتين بالطابو إلي

صرلك عكرسة هالزجل خمسين عام ,,,,,,,بعدك علي ما صار اسمك بو علي


وهون شرقط اسم ابو علي ,,,,,

ألف جوقة الجنوب العاملي مع الشاعرين الكبيرين عبد الجليل وهبة وخليل روكز وبعدين يمكن انضم لجوقة الزغلول وبعدين انضم لجوقة الجبل مع خليل روكز وبعدين رجع للزغلول وألفوا جوقة ولا أحلى

جوزيف الهاشم(زغلول الدامور) زين شعيب أسعد سعيد جان رعد

وشارك وقتها بعدة مباريات مع هالجوقة متل المتين ::
خليل روكز ضد زين شعيب
السيد محمد مصطفى ضد زغلول الدامور
موسى زغيب ضد جان رعد

وبعد وفاة خليل روكز ساوا مباراة المتين 64 المشهورة وكانت

زغلول الدامور موسى زغيب
زين شعيب أنيس الفغالي
أسعد سعيد جريس البستاني
جان رعد بطرس ديب

وهون أبو علي بدع ::

أنيس:: (بدك تسالم فرض سلمك وقعو,,,,,,,,,,بدك تحارب حل وقت المعركة))


زين:: ((لو شفت عبسة من حواجب بو علي,,,,,,,بخليك تركض شهر وتطلع وراك)))

ومباريات أخرى متل المشرف وبيت مري

والمدينة الرياضية ::وكان زين شعيب نجمها الفعلي وكان ضد جريس البستاني

واسمعوا هالافتتاحية ما أحلاها بمباراة التصفية مع السيد مصطفى

اذكروا لما وقفت ورفعت يدي,,,,,,,,,,,بمدينة كنت بيرقها ولواها

وعلى الستعش وزعت التحدي ,,,,,,,,,,بصرخة ردد العالم صداها

انسحبتوا متل جيش بدون عدي ,,,,,,, وحنيتو روسكن عن مستواها

متل شلعة غنم والشمس حدي,,,,,,,,,لحتى رقابكن عالخوف صارت

,,,,,,,,,,,,,,,,,,,,,,,,,,,,رقبة طنجرة ورقبة غطاها,,,,,,,,,,,,,,,,,,,,,



وأبو علي فيكن تقولوا غلب كل شعراء لبنان بمرجلتو بشخصيتو باسمو بشعرو بكل شي

وأبو علي ضل مع الزغلول لفترة طويلة حتى انضم لجوقة الربيع مع طليع حمدان وبعدين رجع لجوقة الزغلول,,,,,,,




ملاحظة رح صير نزل كل يوم انشالله افتتاحية لزين شعيب



شفيق

__________________
سامحوني