يا طالب العلم وليالي بتسهر
راح تجني أتعابك بقطف الثمر
من طلب العُلا بيسهر ليالي
ومن اراد الدُر بيغوص البحر
والعلم نور للعقول وللبصيرة
من دونه راح بتعيش في يأس وحيرة
والصعب انك تحصّلُه من دون تعب
وبالجد راح بتحطّم الدروب العسيرة
فالعلم نور واستنارة للقلوب
وبيشعشع الأنوار في كل الدروب
ونوره لما يطّل بيزيح الظلام
بيحل سلام القلب مكان الحروب
وبتنال عزّك بترتفع اعلى القمم
تاج الشرف بتنال مع اغلى القيم
وبتنفتح ابواب كانت مغلقة
وبتنال يا اللي رمته عقدر الهمم
والجهل موت للفتى لو في الحياة
والعلم يُحيي يا اللي اصبح في الممات
وفي العلم بتنال المطالب كلها
بتصقل ضميرك بتكتسب اجمل صفات
في العلم راح بتزهر الصحرا بساتين
وبتنوّر الازهار فل وياسمين
وفي الجهل راح تبقى بخوف وضياع
وبالذّل والتعاسة بتقضّي السنين
أسماء طنوس