خمرة زحلة

يا هـند إصحي تزحزحي طرف اللثام ـــــــــ تا يضل عِـنـّا شَـوق للبدر التـَّمـــــــام
ولا تكرمي بترياق ثغـرك عا المَـــــلا ـــــــــ تا تضل زحلة تستفيد من المــــــدام

ولا تكرمي بترياق ثغـرك عا المَـــــلا ـــــــــ تا تضل زحلة رافعة عنها البَــــــــلا
والأبهَج من الكِل حَسّون الفـَـــــــــلا ـــــــــ بيربَح جميلك عـند ما تقِـلـّي الكـــلام

بيربَح جميلك عـند ما تقِـلـّي الحَكـي ـــــــــ ولِـمّـِنْ بْـتِحكي كلمتين بينتـكــــــــي
وياما الحَجَـلْ عالنـَسِط من دون تـَكْتـَكي ـــــــــ تـْمَشَّى وَراكِ واسْـتـَرَقْ نـَقـل القـدام

تـْمَشَّى وَراكِ ونـَقلة قـْدامِك سَــــرَق ـــــــــ ولـَمَّا جْبينِـكْ زَرْزَرْ عـليه العَـــــرَقْ
شافو الإله وشاف كيف شَعرك فـَـــــرَق ـــــــــ وهَـنـْدَسْ نِظام الكاينة ... نور وظلام

هَـنـْدَسْ نِظام الكاينة ظِـلمة وبَهَــــــا ـــــــــ وطـَلـْعَة بَديعة مِتِل ما القلب اشتـَهى
لكِن عـيونِكْ دَخِل رَبِّـكْ يا مهـــــــــى ـــــــــ شُو عْمِلِتْ حتّى يعـملو صدري علام

شُو عْمِلِتْ حتّى تصيبني سهام العـيـون ـــــــــ وشُو بْتِسْتـَفِيدي ان ذِقِتْ كاسات المنون
يا لـَهَفْ قـلبي عالحَـنون مالِي حَـنون ـــــــــ تـَعْـسي إلـُو أوَّل وآخِـر ما إلـُـــــــــو
وسَـعْـدي أَقـَـلْ كتير من بَصْرة مَـنام


( أسعَـد سابا )
وُلِدَ في بلدة حريصا عام 1914. أنشأ جريدة (( مرقد العـنزة )). تـَرأ َّسَ رابطة ((الزجل اللبنانية)). عضو ((عصبة الشعر اللبناني)) وممثـّلها لدى الحكومة . له ديوان شعر (( من قلبي )).

طـَقـْمِي

صَرْلي يا طـَقمي مْصَمَّـدَكْ طول السِّـنـي ـــــــــ تا إلـْبـِسَـكْ عالعـيـــــد
تا شُـوف حالي فِـيك عا كِـلْ الدِّنــــــــــي ـــــــــ غـَيرَكْ ما عِـندي جديد

مْـسَـكَّـر عْـليك ... مْلـَفـْلـَفـَـكْ كِلـَّـكْ سَـــوا ـــــــــ ومْـسَـدْ سَـدْ حْـوَاليـكْ
مِـن قِـر ِنـْتـَـكْ ما طـَيلعَـكْ تاخـُدْ هَــــــوا ـــــــــ فِـزْعان قلبي عْـلـَيـــكْ
نـَقـْـرَكْ يا طـَقمي العِـتْ عا و ِرْك اليَمـينْ ــــــــــ لـَهْ ... لـَهْ ... ضِيعانـَكْ
مِن وَين بَـدّي جـِيبْ.. لـَو بـِبْرُم سْـنيــنْ ــــــــــ مِن لـَون خِـيطانــــكْ

وتـَنـْقول مِن لـَونـَكْ حِضِي حَضِّي السَّعـيــدْ ـــــــــ كِـيف عِـندي عَـيــن؟
جايبَـكْ بالدَّينْ يا طـَقمي الوَحـيـــــــــــــدْ ـــــــــ وبْـرَقـِّعَـكْ بالدَّيـــن!!!

رَحْ بـِلـْبـِسَـكْ مَنتوشْ ـ يا نجوم سْـمَعِي! ـ ـــــــــ وشُـو هَـمّني خَـلـِّيكْ!!
بَرْكي الدِّني بـِتـْغـَيِّـرْ الحالة مَعـــــــــــي ـــــــــ وبـِتـْوَفـَّقْ وبـِرْتِـيـكْ!!


كَـنِزْتي الحَمْرا

بْـتِسْـوي الدّني يا كَـنِزتي الحَمْــــــــرا
مِنْ بَعِـدْ غـَمْر ِتـْها هاكْ السَّـمْــــــــرا
بـِقـْيـِو صابيعا فـَوقِـكْ يغـَنـُّــــــــــــــو
هَـودي لـِ بْـيـِتـْأَنـّـــــــو
لِمِّـنْ بْـيومُـو للقـَمَـرْ تا يهـِــــــــــــــلْ
وللشَّـمِسْ تا تـْطِـــــــل
هَـودي الحـكو فِـيكـــي
ولـَفـْقـُو عْـراويكـــــــي
إفـْـنا ويفـْـنا هالأرض عِـمْـــــــــــــرا
وتِـبْـقي إلي ... يا كَـنِزْتي الحَمـــــــرا