فـراشـتي

غـَطـِّت على صدري فراشي ملوَّنـــي ـــــــــ بَعْـدا زغيري ومِشْ مْكِفـَّايي السِّـني
مَريولها بـِنـّي على أزرق حَـريــــــر ـــــــــ مِدْري حياكة ْ وَين مِن أيّا دِنــــي ؟!

حِبَّيتها ... وغمَرتها بْمَوجة حَـنــــــان ـــــــــ وقِلتِلّها: يا فراشتي علـَيكي الأمـــــان
روحي فـَداكِ لا تخافي من الزَّمــــان ـــــــــ عِـيشْـتِـكْ للعمر عِندي مأمَّـنــــــــــي

وشِـيْ تـْعَـتـِّمْ هالدّني كانِت تـنـــــــام ـــــــــ حَـدْ صورة مَريم العَـدرا تـَمــــــــــام
وبالنهار تروح عا رَوض الخـــــزام ـــــــــ تِلعَبْ مَع رفيقاتها ... ولِعْـبا هَـنـــــي

بْحِـكْمِ الوظيفة الغايصة بْلِجّة سَهَــر ـــــــــ سَـرِّبْ عا بَيتي عِند ما يغيب القمـــر
وشِي إجي تـُوعا الفراشة عا الأثـَـر ـــــــــ ترَفرف حَوالـَيِّي وعَلـيِّي تِـنـْحِنــــــي

وجيت مَـرَّة بْهَوني لـَيلة صافِـيـــــي ـــــــــ وَين الفراشة ؟؟ بْأيّا مَطـْرَح لافيـــي
لا بْجانِبْ الصُّورة لقيتا غافيــــــــــــي ـــــــــ فـَتـِّشْ وفـَتـِّشْ وَينها ؟ ما مْـبَـيِّـنـــي

وعِندْ الغِياب رْجـِعِتْ وبقلبي حَـنــان ـــــــــ يـِهْ !!! هَـيدي فراشتي بالبَيلســـــــان
ووجّـها مِصْفـَرْ مِتـل الزعـفــــــــران ـــــــــ ويابـِسْ جَسَدْها ومِين عا روحا جـِني؟

غـْمَرتها وبْـكِـيتْ من هَـول المصاب ـــــــــ يا غِـبـِنْ قلبي تموت وتشوف العذاب
تاري بَغـَتـْها الليل من بَعـد الغِـيـاب ـــــــــ وضاعِتْ وَرا جْنـَينة زهور مصَوَّني

وبالليل بَلـَّلها النـِّدي وسَعْـلِتْ كتيـــر ـــــــــ وقامِتْ عا بُكرا مرَشَّحة كيف رَحْ تطير
وعِـند الضِّهـِر ماتِتْ على حفافي الغدير ـــــــــ بالبَيلساني الحِدْ هالإكي دِنـــــــــــــي

يا إله الكَـون يا أكْـبَر حَـليــــــــــــــف ـــــــــ فراشتي مُوَّتـِّها وما عْـرفِتْ كِـيــــف
سلاحَـكْ صَنـَعْـتو بَسْ كِرمال الضَّعيف ـــــــــ شُوفْ الطـُّغاة المُسْـتـَبدّين الوحوش
وشُـو عِـندهُم مِن زَندقة ومِن مَـلْعَـني

وإلى اللقاء مع شاعر جديد من شعراء عصر النهضة.