ودَّعِـتـْهـــا

ودَّعتها وما ضَلْ في عِـندي وَعِــــي ــــــــ وقالِت وصَبِّت دَمعها في مَدْمَعــــــي
خَـلّيك مَعي يا بْرُوحْ مَعَـكْ قِـلتِـلّهـــا: ــــــــ خَـلّي الهَوى مَـكْتوم يا ليلى ارجَعـي

رْجـِعِتْ مِتِـلْ قـنديل زَيتاتو شْحـــــاح ــــــــ ومْشـِيتْ مِتِـلْ عَصفور مَـكْسور الجناح
وجـِندي أسير مْجَرْدِينو مْنِ الســلاح ــــــــ إوقـَعْ وإنـْهَضْ مِنْ عَـشِـيّي لِلصّبـاح
وكيف ما تـْوجَّهـِتْ إبقى مَوضِعــــــي
مْنِ الضِّعِفْ قَِوّة صِرِتْ إعطي ومَقـدِرة ــــــــ وإفـْتِكِرْ شُو صار فِيّي وشُو جَـــرى
ونادي يا ليلى مْنِ المَداينْ للقـُــــرى ــــــــ وقـُول: مَعْ هادا وكِـلّو يا تـَــــــــــرى
مِتِـلْ ما تـْلِوَّعِـتْ عَمْ تِتـْلَوَّعــــــــــي
لِي عِـلِمْ إنـّي تـْرَكِتْ ليلى بْحالهـــــا ـــــــــ بـِحْياة ليلى إسألوها مالهــــــــــــــــا
عادِتْ إجـِتْ شُو الّلي خَطـَرْ عا بالهــــا ـــــــــ تا كِيف ما تـْوِجَّـهـِتْ لاقِي خْـيالهــــا
مْقابيلْ عَـيني , وصَوتها في مَسْمَعِـي
جـِمْلِة صَفا , جـِمْلِة جَفا , جـِمْلِة عِـتابْ ـــــــــ بْغِـنج ودَلال تقول: طِـوَّلت الغِـيـــــابْ
وقلبْ الحَزين عا جَمْرة الهـِجران دابْ ـــــــــ وكِنتْ إحْكي ومِنـْتِظِـر مِنها الجَــوابْ
مِفـْتِكِرْ إنّا مَعي وهِيْ مِشْ مَعـــــــي