عراسي كل كلامك

لا شك أنو المشارك بدو يكتب وجهة نظر ,,,,,,,,بس متل ما قلت حضرتك ""النقاش حولها لتقريب وجهات النظر حولها و مها كانت نوعها"""" نقاش ودي مدعوم بخلفية ثقافية بس,,وهيك الكل موافق

وكمان مو كل القراء عمستوى ثقافي واحد بيجوز انسان ما يفهم المقصود من نية الكاتب سواء كانت حسنة أو سيئة وهاد شي بيجوز يودي لعدم فهم وجهة النظر وبالتالي لمشاكل من عدة نواحي,,,

مزبوط سوريا بلد قل نظيره من ناحية الأديان والطوائف بس بدون شك بكل دين وطائفة في متعصب وفي جاهل وفي وفي وفي,,,

إذا حوار بيأدي للتعايش الديني والمحبة لازم الكل يشاركوا فيه ,,,,,

بس ,,,,,
أغلبية الناس مؤمنة ومسلمة ((عاللام شدة)) بأمور الدين يعني اللي بيورثوه هاد الصح والباقي غلط,,,,وهاد التحجر الفكري لازم أول شي نهدو وبعدين نبلش بنقاشات عمستوى الدين,,,,

أكيد لازم نناقش ونحط هالأمور عمحك الاختبار وما نهرب منها,,,,بس لازم يكون الشعب عندو احترام للرأي الاخر مهما كان,,,,ولازم يكون عندو علمانية بالنقاش وحيادية بالاقتناع,,,

ومن شان الموضوع الاسبوعي أنا مع هالفكرة ويكون موضوع رئيسي بالموقع بالإضافة لجميع المواضيع الأخرى,,,,,,


واقتراح للإدارة ::لازم تساووا شي يخلق حالة من التفاعل الشديد بالمواضيع,,,

مثلا أنا مرة شفت بمنتدى ما بذكر بأي موقع ,,,,بيعملوا متل منافسة بين المشتركين بانتخاب أحسن تلات مشاركين اسبوعيا من قبل الإدارة ,,,,وبظن إذا ساويتوا هيك بضاعف عدد
المشاركات,,,

__________________
سامحوني