الأخ أنهل :
هذا المجهود الذي قمت به بكتابة لمحة عن الشاعر خليل روكز يستفزنا للسؤال والتساؤل والبحث والتقصي ... فيكون هذا المنتدى ثقافي نوعي وهذه مسؤولية تقع على عاتق الجميع .... فأنا من الاشخاص الذين لا يهتمون كثيراَ بموضوع الزجل رغم اعتباري له أنه من الفنون المهمة كونه الاقرب الى ايصال المعلومة والكلمة الصادقة الى الناس كونه يكتب ويقال باللغة المحكية الاقرب الى الاذهان والروح .... وبعد قرائتي لما تكتبون من زجل جميل في هذا المنتدى بدأت الاهتمام في قراءة هذا النوع من الاداب والفنون ...هذا الاستفزاز الجميل للبحث والتقصي يولّده مقال كمقالك هذا ... شكراَ على مجهودك وطوبى لمن يضع في عمارة ثقافتنا مدماكاَ جديداَ ....
وهذا بعض مما قرأته من شعر خليل روكز الزجلي :
ما زال رح تبقى عاحبّي مكبّره
وما زال ما في عفو عند المقدره
انشالله تموتي وما حدا لدفنك يجي
وقيمكْ لوحدي ووصّلك عالمقبره
وصدفِه ان إجا إنسان تا يحملْ معي
بقلّلو تْركْني وبالوصيِّه بدّعي
من ميل* تحت النعش بخفي مدمعي
ومن ميل وحدي بكون حامل جوهره
وكل فشخه** كنتْ بقعد بستريح
بْزيحْ الغطا وبِتأمّل بوجهك منيح
وبسقي شفافك من عطش قلبي الجريح
وبطلب من عيونك شفاعه ومغفره
وكل ما ارتحت ورجعت قيمك من جديد
بصير صلّي تالقبِرْ يبقى بعيد
منشان إشبع والنعش يشبع نهيد
شبعِةْ أبد حامل بنعش الآخره
وغنّي فراقيات وسنيني الكتار
يدوبو عاداير نعشك الأبيض غبار
ونوقع أنا والنعش آخِرةْ النهار
وقعِةْ إبن مريم عا درب الناصره
وبرجع بقيم النعش عن أرض الهموم
وبشحد شوية عمر من عمر الغيوم
وبعود إمشي هون أوقع هون قوم
وضيّع نهاري بالمشي وعند الغياب
نوصل أنا وإنتي سوا عالمقبره
آخر تعديل بواسطة هالة ، 10-05-2006 الساعة 02:26 PM.
|