لما بيجي الميعاد رح ضمّك كتير
رح نيّمك بحقول خضر
وافرشلك بقلبي حصير
وغطيك بورد وزهور
ومن تمّي اسقيك العبير
* * * *
لما بيحي الميعاد .....
رح غنّي معك للحب
تيشبع الفضا غناني
ونسابق النسمات
ونضّحك النجمات
وعلى شعر صدرك
أرتمي وطير
* * * *
لما بيجي الميعاد........
رح لوّن الدنيا بألوان كلاّ جنون
وقتا مرتاحة ح كون
لا حدا يغدر حدا
ولا وطن مجروح ما يرد الندا
لاأهل نسيو الحبيب
ولا طفل ملّ النحيب
ولا خبر عادي كئيب
* * * *
رح ضلّ ناطرة وعد العمر
تيصير عالبواب
كمشة صبر وشوية أمل
بينوبك يا حلومن قلبي ثواب
بس اصبر يا صابر كمان شوي
ولما بيصل حلمي
بوعد عيونك بضمّي
حنصير الفرح كلّو
ونرجع بالعمر شباب |