السلام لجميعكم
و الله يا جماعة الواحد بالاخر بدو يرد عالسخافات (من اي طرف كانت مو مهم و مين اللي بلش كمان مو مهم ) .
من البداية و نحنا عم نتابع هالملحمة التاريخية بس شكلا انقلبت مسلل مكسيكي .
و الحق بالاول و بالاخير عالمسؤول عن الموقع
لانو كان من الاول لازم (ينكحتوا) من الموقع اللي كنا نعتبروا احلى رمز من رموز الضيعة و خاصة بالغربة .
هالموقع اللي كان بالبداية اجمل المواقع
اللي الانسان بيدخل عليها من حيث غناها بالمواضيع المفيدة و اللي خلتنا بالنهاية نسمي موقعنا (عائلة مشتاوي)
هالعائلة اللي كترو محبينا و صار يجي عا بيتها اللي بيسوا و اللي ما بيسوا و صاحب البيت( ميتفرج) .
عا كلن انا ما بدي طول بكلامي بس حبيت خبركون انو اذا ضل الوضع هيك
بتصور انو( اخد الخاطر بعائلة مشتاوي )رح يكون بساحة المشتى وقريبا .
و في مثل بيقول :كل مين عا دينو الله يعينو .............
و انا برايي اذا كتير بيهمكن الوضوع انطروا حتى تقوم القيامة
و بعدين منعرف مين الصح و مبن الغلط
بس بتمنى انو كل واحد ينطر ببيتو لانو بيوت العالم مانا مركز انتظار.
و اللي حابب يضل معنا بالموقع بتمنا انو يضل محافظ عا لشي المفروض يكون اخدوا من اهلو و من بيتو .
هاي اضعف صفات مفروض تكون موجودة باعضاء موقعنا
اللي بتصور انو في كتير عالم بيتمنوا انو يرجع اسمو (عائلة مشتاوي).
و من الادارة انا بدي اطلب شي :
اذا الادارة ما عندها القدرة انها ترجع تلم الشمل
و نسمي من جديد عائلة مشتاوي بتصور سكروا الموقع افضل بكتير ..
و اذا انا غلطان لا تسامحوني .
و تحية للغيورين عالمشتى فقط ..
و شكرا.
الحصّاد