بالبداية بحب اتوجه بالشكر لكل مين بادر بالرأي والاستفسار بشأن هالموضوع ...
وبخص بالشكر الغالية هالة ...
اللي خلاني ارجع اكتب توضيح بهالموضوع هو حضرتك يا غالية ... انسانيتك وحساسيتك خلتني اخجل من حالي .. بشكرك من قلبي بس بحب قلك انو بالاخر انتي ما دخلك بسوء التفاهم اللي صار ... انتي حبيتي هالقسم وصدقيني انا مو مدايقة من موضوع الاشراف وبتمنى من الجميع يفهم موقفي .. انو انا ما ادايقت انو الاشراف راح مني .. بالعكس الكم الحق والادارة لها كامل الحق انو تختار الشخض المناسب بالقسم المناسب ... انا معكم مية بالمية .. وصدقيني انو انا فرحت لكونك انتي اللي استلمتي الاشراف .. والدليل اني بكل صدر رحب رحبت فيكي وباركتلك ...
بس عتبي كان ع الاسلوب اللي صار مو اكتر ... وبخصوص انو نحن عائلة واحدة انا معكن مليون بالمية ولو مالي معتبرة حالي من المشتى وبنت المشتى ما كتبت .. ولاحظو اني كتب بعنوان الموضوع .... عتب كبير .. وكان فيني اكتب زعل او استياء او اي شي بيدل اني مزعوجة وغريبة عن هالعيلة ...
اكيد العتب بيجي من المحبة وكترة العتب بيجي من المحبة القوية ...
عتبي ع الاخ الغالي رامي كان كبير والظاهر انو صار سوء تفاهم ... ع كل الاحوال برجع بباركلك يا اخت هالة وبتمنى انو ما تتراجعي عن الاشراف ابدا لانو هالشي راح يزعجني كتير كتير ... انتي بستحقي كل الخير ...
بشكر الاخ هادي كتير ع كلامه الرقيق ومحبته القوية .. كلك زوق
وشكر الغالي جورج ... ع اسفساره عن الموضوع ..
واخيرا بشكر الصديق والاخ رامي ع جهوده الجبارة مشان يبقى الموقع بالعالي ... وبحب قلك يا رامي مو ريما اللي بتستنى اي حدا ع دقرة شو ماصار ... بتعرفني منيح وبظن انو الغالبية بتعرفني انو مابحب الزعل ومابحب انو حدا يزعل مني .. وللاسف انت فهمت موقفي بالعدائية والانقلاب و و و و .... !!! بس مافيني فسر اكتر من هيك ومافيني اشرح اكتر من هيك .. بشكرك كتير ...
تقبلو اعتزاري اذا سببت اي جدل او مدايقات ... وحقي بيوصلني اكيد بمحبتكن
شكرا للجميع ...
تحياتي