عيوني عليكي ليش بيغارو
لما الربيع يفتحو زرارو
بيركض يوعيكي العطر بكير
تايشربوكي شفاف أزهارو
وكيف الطفالى تمرجحو بسرير
هيك فيكي تمرجحو قمارو
وتا متلك العناب لونو يصير
عملك قلم حمره لأثمارو
وعالدرب لما بشوف طفل زغير
بسأل إذا دارك جنب دارو
ومنك أخذ بوسي بهالمشاوير
وبعدو مخبيها بأسرارو
وكثير عم شوفك بالعصافير
بقرب عليكي بشوفهن طارو
وبطير وبقلو يا قلبي طير
شفلي هالعصافير وين صارو
وبالليل بالنظرات والتعبير
لما السهر بيطول مشوارو
عم غار من عود البحبو كثير
لما بلاقيكي بصوت العود
وعم تاكلك عالجوع أوتارو



كاس وانا



كاس وانا وحلوة صغيرة مدللي
بالسبا طعشرعام ازهى مرحلي
التفتت وشافت ست جاي معجلي
وقالت اجت امي وقعنا بمشكلي
هربتها وقلتلها بسرعة نزلي
عاهالدراج وخلفك الباب قفلي
وصلت الست من الغضب تغلي غلي
وتصرخ وتضرب كفها عالطاولي
قلتلها بعدك صبية مدللي
وبتعرفي القيمة ما لازم تزعلي
اجتني عاهالمطعم عزيمي مدوبلي
وعزمت بنتك ليش كل هالبهدلي
قالت عزيمة وليل ساحر مخملي
وسكر وحلا وليل وصبابة وترغلي
ابقا اذا بتريد مرة ثانية
وفر تعب عالبنت واعزمني الي