حبل الغسيل
=======
قدّام بيتك كل يوم بمر
وبقول بلكي اليوم ، رح شوفا
شريط العمر لو مر كلّو مر
طرقات بيتك ما بقى عوفا
هجرت المدرسه ، ومتل طير وفر
وما عدت أعرف وينن صفوفا
حبيتك وما عاد عندي سر
ورسمك بمكتبتي ملو رفوفا
***
حبل الغسيل قدّام بيتك شايفو
وشايف عليه تياب منشوره
وخلف الحبل فيه حبل ماني كاشفو
يمكن عليه تياب مستوره
وع هالحبل فيه سر ماني عارفو
وت تعرفو هالروح مقهوره
والعمر عم بيمر ؛ واللي خايفو
عليك ما شوفن صوت مع صوره !!!!!!
******
المهيري / ايار /
ا جرجس وديع الموراني
