عيد العشّاق

[georges morani]

فالنتاين
========

تلفنتلا على بيتا
ولمن ردت حاكيتا
قلتلاوين منسهر
قالت كلمة.. تمنيتا
**
كلماتا غلّو بروحي
وكانو بلسم لجروحي
قلتلا لعندك جايي
اوعا من البيت تروحي
**

هالليلة عيد العشاق
وتا يشوفك قلبي مشتاق
نرفع كاس .. ندق الكاس
نشرب تانطفي الأشواق
**
قلبي مشتاق يشوفك
ويبقى من اغلى ضيوفك
صمدي قلبي بصدر البيت
لاتزتيه على رفوفك
**
ولما بينعس بدو ينام
فرشيلو ريشات نعام
وكونو العاشق والمعشوق
تتشوفو احلى الاحلام
**
حاملك وردة حمرا
لونا من لون الخمرة
نبيد معتق ومخبى
جوا شفافك يا سمرا
**
بوستا براس شفافي
وحملتا حبي الصافي
مقدملك ياها هدية
بوسي صحة وعوافي
**
وعندك هالوردة بتبقى
ترتاح وقلبي يشقى
تيطل العيد الجايي
وبالعيد يطيب الملقى
**
المهيري/14/ شباط
جرجس وديع الموراني

[georges morani]

أهلا بأهل الحب ... وشكرا للجميع
جرجس الموراني

[راجح]

عالشعر ياجريس ..أنت برداخ = بتحف حتى تلحمس حروفو
وكتاب حبك عالعمر ماشاخ = وبتشعشع الأحلام بحروفو

[georges morani]

شكرا يا راجح ... يا أبا البديهة السريعة والأداء الممتع
جرجس

[عصام يوسف]

في عيد .. عشّاق الزهـــــور بتعشقوا *** وفي عطر .. عشّاق النسيم بتنشقوا
و عندك جرح شاعر متل لوحه الجمال *** إلاّ ســــــــــهام العاطفه ما بترشقوا

[georges morani]

you are a wounderful ........
thank you very much
georges morani