شوفوا الإبداع بشعر الدكتور الشاعر إياد قحوش

شفيق · #1 10-04-2005

شوفوا يا عالم الإبداع هي قصيدة بعتلي ياها الدكتور إياد:

بين الورد والمي مرجوحة الأشعار..
تعمشق صور وخبار
وتربطون بخيال ..
صبح ووقع ع نهار..من هزة الغربال
وصاروا بعين النار
طفل وركد بالمرج..
تزحلط بدلقة عطر ..لمو خجل جلنار
علق على كمو..
من الليل شوق وغار
شافو الربيع وصار ..
يشخوط على تمو ..
نهرين من ادار
مشتى الحلو امو
بيو صافيتا ..
مره طلع عالبرج ..
عربش عضهر السما ..شافا فرس كحلا و محملي بقمار..
حط عينو عاقمر ..ومد ايدو عالخرج ..
طلعت مرمريتا ..

يامرمريتا انا لطلع عراس الشعر ودريلك الابيات ..
وخلي زهور الحكي تحرقص الجنيات
تايرسموكي بنت خصرا تلات كلمات ..
يامرمريتا انا ..لجيب كل الضحك و ارميه ع جريكي
وجبلك خواتم عشق تالبسون ديكي
يا مرمريتا انا بحبك انا ليكي ..
رايح انا لبعيد ..
بلكي بجبلك شمس.. تادبحا بالعيد ..
بعرسي انا عليكي

يا مرمريتا انا لم كنت طفل زغير ..شفت السما ورقه ..
وحملت ريشي وطلعت صوب الجبل سرقه
تااكتبك عالجو
واليوم صرت كبير ..ومابموت الا وينكتب فوق السما الزرقه
..
بحبك مرمريتا ..بحبك مرمريتا..بحبك مرمريتا

خرطوشة شوق لكل ضياعنا ..نشالله تعجبكن
*****************

وهون بدي اعتذر من الدكتور إياد لأني نشرتها بدون علمو بس هيك إبداع لازم تشوفوا مو بس أهل المشتى لازم تشوفوا الأرض كلها

شفيق

nada · #2 10-04-2005

تسلم الإيدين اللي مسكت هداك القلم لتكتب هيك كلمات رائعة طالعة من قلبك لتدخل قلبنا من دون استئذان

nada · #3 10-04-2005

thanks shafic.......

Mr. Samo · #4 10-04-2005

10x shafic its so nice ......................... i LOVED it

ramroum · #5 10-04-2005

مابعرف شو بدي قول
راااااااااااااااائع وبجنن و ... و... و....
شكرا اياد الشكر الاكبر لـ شفيق

شكرا

ثناء حيدر · #6 02-11-2006

اقتباس:

المشاركة الأصلية كتبت بواسطة شفيق

شوفوا يا عالم الإبداع هي قصيدة بعتلي ياها الدكتور إياد:

بين الورد والمي مرجوحة الأشعار..
تعمشق صور وخبار
وتربطون بخيال ..
صبح ووقع ع نهار..من هزة الغربال
وصاروا بعين النار
طفل وركد بالمرج..
تزحلط بدلقة عطر ..لمو خجل جلنار
علق على كمو..
من الليل شوق وغار
شافو الربيع وصار ..
يشخوط على تمو ..
نهرين من ادار
مشتى الحلو امو
بيو صافيتا ..
مره طلع عالبرج ..
عربش عضهر السما ..شافا فرس كحلا و محملي بقمار..
حط عينو عاقمر ..ومد ايدو عالخرج ..
طلعت مرمريتا ..

يامرمريتا انا لطلع عراس الشعر ودريلك الابيات ..
وخلي زهور الحكي تحرقص الجنيات
تايرسموكي بنت خصرا تلات كلمات ..
يامرمريتا انا ..لجيب كل الضحك و ارميه ع جريكي
وجبلك خواتم عشق تالبسون ديكي
يا مرمريتا انا بحبك انا ليكي ..
رايح انا لبعيد ..
بلكي بجبلك شمس.. تادبحا بالعيد ..
بعرسي انا عليكي

يا مرمريتا انا لم كنت طفل زغير ..شفت السما ورقه ..
وحملت ريشي وطلعت صوب الجبل سرقه
تااكتبك عالجو
واليوم صرت كبير ..ومابموت الا وينكتب فوق السما الزرقه
..
بحبك مرمريتا ..بحبك مرمريتا..بحبك مرمريتا

خرطوشة شوق لكل ضياعنا ..نشالله تعجبكن

*****************

وهون بدي اعتذر من الدكتور إياد لأني نشرتها بدون علمو بس هيك إبداع لازم تشوفوا مو بس أهل المشتى لازم تشوفوا الأرض كلها
شفيق

الصمت في حرم الجمال .... جمالُ