من وحي الميلاد ، والآلام ، والقيامة التي احتفل بهاالعالم المسيحي بأجمعه ، في وقت واحد هذا العام ... أتت قصيدتي هذه ...
--------
يا يسوع الحق، يا رحمان
خليك معنا ، انت ، وارحمنا
لبّسك بيك ، جسم انسان
وعملت كلشي بيّك تمنّى
طفل ، ولدت بمغارة الرعيان
صارت قصر الها المجد غنّى
ويوضاس واحد باعك من زمان
واليوم كم يوضاس في عنّا
منبيعك وما منقبض الأثمان
علوّا متل يوضاس لو كنا
**
يا يسوع الحق ، يا مصلوب
يلّلي انصلب تا يخلّص الانسان
يلّلي انصلب تا يكمّل المكتوب
يلّلي انحكى عنوّ, بكل لسان
يلّلي كتب عنك سفر أيوب
وكتبت الأسفار بالأكوان
والأنبيا تنبّو عن المحجوب
وقصة حياتك كانت العنوان
وكلشي عملتو كان بالمحسوب
من عهد ماضي ، وسالف الأزمان
**
على الأرض عشت الفقر متل الناس
وطبّقت شو كان الشرع بيقول
معهن ، عشت متلن ، عا فرد قياس
بنفس الحكم معهن انت مشمول
مع بيّك النجار، بالاحساس
كنت أكبر من عمر محمول
ما طمّعك رنة حجر الماس
من المال ، ما غرّك وزن منقول
بآخر حياتك دقت مر الكاس
تا تفتدي الانسان من مجهول
**
دقت الصلب ، دقت الجلد ، عريان
واكليل شوك براسك تملّك
كان الصليب العار للانسان
صار الصليب مقدّس بدمّك
ولمّن صرخت وقلت عطشان
سقيوك خل ومر ما همك
وشي روحك انتقلت الى الرحمان
حل الظلام ، وعا لأرض حلّك
وحتّى يزيدو الكفر والبطلان
حطّوك ميّت بحضن أمك
**
وبالقبر حطّو جسمك بلا روح
وحطّو عساكر عالقبر حرّاس
خافو تلاميذك تجي وتروح
ويسرقوك ، ويكذبو عالناس
ويصح هالقلتو ، وانت مجروح
من ناس مخموره وبلا احساس
وتقوم ، وطيوب القيامه تفوح
وما يضل في عندن عقل بالراس
ويتحققو من جرحك المفتوح
انك اله ، وكلهن يوضاس
**
ويوم الأحد ، وبتالت الأيام
روحك عا جسمك بالقبر ردّيتها
وزحت الحجر عن باب قبرك بالتمام
ومعّو زحت أوهام ما تمنيتها
وقمت حي من القبر ، متل المنام
من رهبة الموت البشر نجّيتها
الموت قبلك كان ديجور الظلام
بعد منك صار رحلة بديتها
يا رب !!يا يسوع!! يا رمز السلام
ترحم بشر ... من هالعذاب فديتها
*******
من وحي الميلاد ، والآلام ، والقيامة التي احتفل بهاالعالم المسيحي بأجمعه ، في وقت واحد هذا العام ... أتت قصيدتي هذه ...
--------
يا يسوع الحق، يا رحمان
خليك معنا ، انت ، وارحمنا
لبّسك بيك ، جسم انسان
وعملت كلشي بيّك تمنّى
طفل ، ولدت بمغارة الرعيان
صارت قصر الها المجد غنّى ويوضاس واحد باعك من زمان
واليوم كم يوضاس في عنّا
منبيعك وما منقبض الأثمان
علوّا متل يوضاس لو كنا
**
المهيري / عيد الفصح / 2007
جرجس وديع الموراني
الشاعر الكبير جرجس موراني
بهذه المناسبة أتقدم إليك وللأسرة الكريمة بأحر التهاني والأمنيات القلبية،
عيد فصح مجيد وقيامة مباركة وكل عام وأنت ومن تحب بألف خير .
قرأت القصيدة مرات ومرات وما ارتويت
سلمت الأنامل التي خطت
وسلم قلبك الذي ينبض بالمحبة والسلام والإيمان
قومي يا أمتنا السورية كما قام ابنك يسوع على هذه الأرض المجيدة
المسيح قام ... حقا قام
الأخ جرجس كل عام أنت و عائلتك بألف ألف ألف خير متمنيا لك الصحة و العمر المديد
__________________
إذا لم تستطع أن تنظر امامك لأن مستقبلك مظلم ولم تستطع أن تنظر خلفك لأن ماضيك مؤلم فانظر إلى الأعلى تجد ربك تجاهك إبتسم... فإن هناك من... يحبك... يعتنى بك... يحميك ...ينصرك... يسمعك ...يراك...انه (( الله)) ما أخد منك إلا ليعطيك...وما ابكاك إلا ليضحكك...وما حرمك الا ليتفضل عليك...وما آلمك إلا لانه
يحبك
