ربنا بقوته حب يخلقك عرق زنيق
وعليكي وراق الحلا ع كيفو علٌق
وقلبك من عطر الحلا صار يسقيه
حتى لمٌــــــا تكـبري هالعطر نعشق

*****
وصار الرب فيكي لوحات فنية يخلق
وتــــــوب الجمال عليكي فصٌل ولبٌق
تخلٌى الحلا من عيونك حــــــلا يسرق
سحر الأسود -لمعة البني -جمال الأزرق

*****
وخدودك نبع الخجل عليهم تدفق
ولون الحب فيهم غرٌب وشرٌق
وجبينك الأسمر بالعالي مرفوع
متل القمر لمٌا بنص السما بيعلق

*****
وشفافــك متل شهد العسل المعتق
عم تــروي عطش الخدود العم تقلق
حتــى بالبوسة تفوز وغيرهــا تسبق
قبل ما العسل يخلص والعسل تلحق

*****
وروموشك لمٌا الرمش عالرمش طبٌق
زغردوا عيوني وبعيونك صرت اغرق
وحاولت أغفى فيهم والجفن عليي أغلق
بس الجفن ع رفيقو سكٌر وبوجهي غلٌق
*****
من جفونك هديت وصرت أنا أروق
من بعد مـا القلب جــــن وتخزق
وما لقيت غير قلبك عليي يشفق
حتـــــى فيه أسكن والحب ألحق .....

عاشق النور :غيث مخول