23-09-2006
|
| |
رسالة تعزية
=======
وعاد الحزن ولفّها بوشاحه ، فكتبت اليها معزيا وقلت :
كل ما هالقلب فتّح ورودو
وبلون الزنبقة لوّن خدودو
بتطلع عاصفة ومن غير موعد
تنتّفلو وراقو فوق عودو
**
بتطلع عاصفة من قلب جمرا
بتحرقلو وراقو بنار حرّا
ويلفّو الحزن بتياب سوده
وحلاوة عيشتو بتصير مره
**
وبحكم الرب صار الحزن عاده
ولحظة هنا بيشحدها شحادة
وناطر يجمعو هالرب مرّه
بعيون اللي بيعبدها عباده
**
وبيبقى الرجا مفتوح بابو
وعزاه بهالدني حامل كتابو
وبسمة حب من طاقه زغيري
تنشّف دمعتو ، وينسى عذابو
*******
المهيري / ايلول /2006
جرجس وديع الموراني |
لوحة التحكم الخاصة بك
خروج
بحث
الأعضاء
التقويم
