كنت كلمازرتها او طلبت منهاموعد لقا ءْ تقول : ((عندي
درس ـ عندي مذاكرة ـ عندي وظيفة ـ عندي فحص ـ ووووووو )).... ولما انتهت الامتحانات كتبت لها مايلي :
____
قديش صرلي ناطرك تتخلصي
فحصك وتطويلي كتاب المدزسة
وتفتحيلي كتاب (جامعة الهوى)
( كلية العشاق) فرع ( الوسوسة)
**
خلص الفحص قومي طويلي هالكتاب
وللحب قومي شرّعيلو هالبواب
يكفي القلب يتحمل بحبك عذاب
والعين تهوى السهر وانت ناعسة
**
يكفي الوقت يهرب ع درب المعرفة
ويكفي تقولي بتعرفي وما بتعرفي
حاجي تقولي اليوم عنّا كيميا
وبكرا عندنا/ حساب /جبر / وهندسة/
**
التاريخ ، شو التاريخ يا دروب الهنا
كتاب الأدب شو فيه غير انت وانا
والفيزيا ونيوتن وعلم الفلك
والكون .. والتكوين .. كلّو هلوسة
**
بعلم النحو والصرف وضروب الكلام
قدّيش جمّعتي قواعد يا سلام
ضم ، فتح ، سكون ، شد، والتزام
تعي طبقيهن هون برا المدرسة
**
كتاب القواعد ، ما حدا منّو اغتنى
والشعر ، تعبة قلب ، شو منها جنى
وبالقرا ءة قد ما تقري دروس
بيضل بدّك يا حياتي تدرسي
**
والفلسفة ، والمنطق ، وعلم الحياة
وكيف عاش افلاطون ولاّ كيف مات
وكيف بدّو يعيش هلّي بيلحقوه
فكرك بيكفي بهالقضايا تحبسي
**
وبا لأجنبي : البنجور ، حلوة لفظتا
ومورنينك ، كود مورنينك ، سهلة حفظتا
جي تام ، آي لوف يو ، بيكفينا دروس
فيهن منفتح جامعة مو مدرسة
**
المهيري/تموز/ 2006
جرجس وديع الموراني
التعديل الأخير تم بواسطة : georges morani بتاريخ 17-07-2006 الساعة 07:39 PM.
| 
