علموها ثلاث عيوب..


طفلة صغيره ..ومن الصغر
..علموهــا ثلاث عيوب
بوجه الغريب ..لاتضحكين
وسوي .. ولا تســأليــن
!!..وأهمها .. حذاري تحبين



ومر الزمن .. والطفلة
كبرت .. وهالعيوب كبرت..
!!..إحفظتها بقلبها ..إفهمتها بعقلها
!!...إلا الأخـــير .. وآآه من الأخيــر

حاولت تفهمــه .. ماقدرت
!..حاولت تجنبــه .. ماصبرت
واخيراً قررت
تنسى ذاك العيب الكبير
..تنسى ذاك الهم الكبير-----


ومرت الأيام .. والوقت الطويل
ومرها طيفٍ من بعيـــد
سكن في قلبها ..ضحك في وجهها
حســت بقلبها .. يرجف
وبعينهــا .. تدمــع
ودهــا إنه منها قريب .. ودها
....مايبعد عنهـــا
مســكينه حبت .. ولا حســت
وسوت أكبر ..من هالعيــــوب-----


راحت لأمهــا .. تشكي
وتحــكي .. وتبكــي
مثل ماتعودت من يومهــا ..طفلة
أمها بكت وقالت : بنتـي تحب
!!..أبوها سكت وقال : لايدري أحد

أبعدوها عن الناس
خافوا تقول ذاك الإحساس
وصارت تسامر ..النجمه
وتحسب ..للقدر "حكمه"
تفكر في فارس الأحلام
وتبني ذيــك الأمال

-----


ماطولت في حلمها
جاها ولد عمـــها
يبيهــا ..يبي قربهــا
وافق أبوها .. وافقت أمها
قالوا : مافيه إلا ولد عمها
يبعد العيب عنا .. وعنها

وهي .. للحين ترسم
محدٍ أخذ رايها .. ولا احدٍ شاورها
بكت قالت : لا .. محدٍ سمعها





وجا ذاك اليوم إلي يسمونه زفاف
وهو بعيونها .. يوم الممات
وإجتمعوا الأحباب .. والأصحاب
محدٍ درى عن قلبها .. عن همها
محدٍ عرف وش نيتــها



-----


قالوا : الفرحه
وكلٍ هتــف
قالوا : الزفه
وكلٍ وقــف
بس للأســف
هي ماحضرت
هي ارحلــت
خذت ذنبها .. وذنب
أهلهــا .. وإرحلت ..
خذت عيبها الكبير
!..وإرحلــــت

حتــى ذاك الطيــف البعيد
إتركته .. وإرحلت
خذت عيبها
وارحلت
وارحلت!!!!