بعض الردات من حفلات التحدي للسيد محمد مصطفى

[شفيق]

من محاورة محمد المصطفى وخليل روكز على مسرح الباريزيان/ - 1943 البرج



خليل:



العالم بتركع غصب لـ السر الجليل إسمي بصدر التضحية تشكيلتو

ولو كان في مكروب في إسم الخليل ما كان كل الأنبيا من سليلتو



السيد:



الفرع غير الأصل لو سلسل سليل مش كل علّة شافيه قلب العليل

ولا كل نقطة ميّ بتروي الغليل نصبتك زهور كتار والمجنى قليل

لأول خليل الفضل والثاني ضليل ومش كل نهر انقال عنّو سلسبيل

خليك نازل في جحيم مصيبتك ما سلمت منها مثل ما سلم الخليل



* * *



من محاورة محمد المصطفى وعبد الجليل وهبي على مسرح جباع 1955

عبد:



بأهل الزجل يا ناس لا تتوهموا أطفال عني وعنهم بتستفهموا

لو شفت طفل زغير عم يحكي معي عا لهجتو بحاكيه حتى فهّمو



السيد:



جاي لعند الطفل تا تعمل زعيم بلسانك بتحكيه وبقلبك رجيم

عيسى النبي بالمهد كلّم أمتو بيفهم بالفهمان جرّب يا غشيم



عبد:



عيسى نبينا كان في عهدو صبي وكانوا يقولولو الخلايق يا نبي

ما كان مثلك لا نبوغ ولا علوم ولا نبوّة ولا ذكا ولا موهبي



السيد:



في ناس في عيسى وبموسى وبالنبي ما صدّقوا بالمعجزه وبالموهبي

وعنّآ جماعه من الذكا بيتضايقوا بيمرق عليهم مثل عقص العقربي