*** لوريتا ***
.... لوريتا , حسناء كانت تعمل في ادارة مجاورة لعملي , وكانت دائما تسمع ما اكتبه من شعر , فقالت لي ذات يوم من ايام شهر آذار :ألا تكتب لي شعرا لاغنيه في احد أعياد هذا الشهر ؟ فكتبت لها ما يلي :
**...لوريتاقالت يا جار
ما دام بتكتب اشعار
ما بتكتبلي غنية
لغنيها لآذار...
**...قالت بدا غنية
وعلقو عيونا بعيني
ما راح قللا ما فيي
ولا قللا شو بقلبي صار .
**..قالتلي وصارت تعن
وتتبسم ويبان السن
حطتني بين انس وجن
وخلتلي لساني طرطار .
**...حساسينا اللي بقلب الدار
حرقولي قلبي بالنار
وما وحيولي بغنية
عملولي ربة اشعار .
**...لوريتا عيونا الحلوين
لعبولي بقلبي المسكين
واخدوقلبي معهن وين
ما بعرف غير انو طار.
**...لوريتا المتل الجمرا
خدودا, محيرني امرا
بدا تغازل بو سمرا
يما تغني لآدار.
**... لوريتا هالجار خطي
عطشان وقدامو المي
مشوب ومقابيلو الفي
قوليلو تفضل يا جار.
**... يا لوريتا لتغني
ويحكو عنك وعني
جني يا ريشة جني
وودي للجارة اشعار.........
*****************
المهيري/كانون الثاني/2006
...........................جرجس وديع الموراني
[/size][/color][/color][/size][/color][/size][/color][/size][/color][/size][/color]
آخر تعديل بواسطة georges morani ، 11-01-2006 الساعة 02:23 AM.
| 
