شو معجَّلِكْ ؟ ....

ضلّي معي ... بكّيرْ

عندي إلِكْ .....

راحاتْ وسعْ الكونْ

مْواويلْ بتْبكّي الحجرْ

قلبْ انشغلْ ، بمحبتِكْ مسكونْ

قْناني خمرْ ، من دَيْلةْ شفافي

***
ضلّي معي ....

إسّا الصّبحْ مخنوقْ بالعتماتْ

وبكرْمِكْ الرمّان ماشلَّفْ

وحبّ الندي مابلّلْ الورْداتْ

ونبع الهوى مليانْ ما نشَّفْ

والليلْ غطّى السهل والتلاّتْ

ناطرْ أنا هالنّورْ يتكشّفْ

ضلّي معي لَينْعسو النجماتْ

وتغفي عا صدري وشعركْ لْحافي

وهلق انا ناطر جاوبك

ياهل ترى رح تضلي معي ؟؟؟