فستانك الأحمر
كانت ترتدي فستانا احمر في يوم عاصف وتلاعب
الهواء باطرافه وبان اجزاء من جسمها فاوحى لي ذلك
بالقصيدة التالية:
• فستانك الاحمر ... حدو الهوا تكسر
• قد ما الهوا يحبـــو ... بحبو انا اكتـــــر
• فستانك الاحمر
• حبيت فستانك ... حبيتو منشانك
• وصفيت شيطانك ...معك انا اسهر ...بالحلم اتدعتر ...
• بفستانك الاحمر
• لونو متل لونك ... ومجنون متل اللون
• سحرو ورا عيونك ... ساحر عيون الكل
• عصفور ومطير .. من عشو يا زغير ...وقلبي انا محير
• بفستانك الاحمر
• فستان طياتو ... فيهن حكايا العمر
• نيال ورداتو ...فيهن عتيق الخمر
• محفوظ بدنانك ...نيال جيرانك ..وزهرات بستانك
• حسدتن ع فستانك ... هالزاهي ومخصر
• فستانك الاحمر
• مضمضم ع قد الخصر ...والقلب يندهلو
• تمنيت طول العمر ....اسهر واكتبلو
• ورجعت اتذكر ... عبلى ومعا عنتر... ها الفارس الاسمر
• وبلشت اتحسر ... من حالي اتذمر ... انسى واتذكر
• فستانك الاحمر
• وصفيت مجنونك ... اركض ورا عيونك ... وتدبيلة جفونك
• اشرب وحب الخمر ...اسكر وحب السكر ...واعشق عطايا الفكر
• تحكي ع فستانك ...ع الخمر بدنانك ....ووردات بستانك
• حبيتا منشانك ...منشان فستانك ...يا ريحة العنبر
• بفستانك الاحمر
• فستانك الاحمر
• المهيري 26 /7/ 2005
• كلمات وشعر : جرجس وديع الموراني
 | 
