 ياريت نعود صغار | |
عن شغلي كل ما تفلّي بعمل إضراب ***** ومتل الحارس تطلي بوقف ع الباب
لولا جيتك متاخر وخلفت وعود***** قلبي لعيونك عمّر بستان ورود
شو متمني لو نصغر طلاب نعود***** نقرا من ذات الدفتر وبذات كتاب
قلتي تعدّلك نتفة وبيكفي طيش***** حاجة عا حوّا عامل متل الشاويش
للأولى قلنا إنصرفي وتإحكي الحق***** متل الناقل من دلفي لتحت المزراب
عمرتلك يا عمري بقلبي عرزال*****وكتبتلك من شعري اوف وموال
ومتعود احكي الدغري وبأيا حال***** ما بسيبك لولا شعري من حبك شاب
يا حلوي دخلو دينك وينو الحنين*****عليكي كل محبينك ذابو من سنين
بعدو راسي عم يفتل من سين وجين *****ولا تقولي بعمرو قلبي عن حبك تاب
لما ع بيتي جيتي قبالك طليت*****ومن ثمك لما حكيتي اللهجي حبيت
قلتيلي أنه نسيتي نسيتي اللفحه بالبيت*****يا ريتك معها نسيتي باقي الثياب
يا حلوي حنّي عليي بغمزات العين*****خايف للعصفوريي أطلب تختين
بكل الكتلي الأرضيي نجذبو قطبين*****وانتي كلك جاذبيي بكل الأقطاب
يم البسمي السحريي وعيون السود*****بعينك طاقه ذريي بتطلق بارود
وعدتيني نبقى سويي وقلتيلي عود*****وانتي بهاك السهريي حص ملح وذاب
__________________
۩۞۩ أنا مشتاوي يانيّالي ۩۞۩
قلب المرأة قيثاارة .. لا تبوح بأسراارها إلا
للفناان الذي يستطيع إجاادة العزف عليها | 
