حــــــوّا
بعد ما ربنا عمل الرواسي .......... على الارض ..وخلق بحرا وجوّا
وقمر ونجوم كلّو عن دراسة .......... وخلق هالشمس تا هالكون ضوّا
خلق آدم وهيدا شي اساسي .......... وحطّو بجنة الفردوس .. جوّا
قَعَد هيك ..بهدا وسلطن بكاسة .......... وحسب شو رح يجيب من الطبيعة
تا حتى يخلق بها الكون ..حوّا
أوّل ما أخد .. خفّة الورقة ..........وسحب لون الزهر من طيب عطرو
وشعاع القمر جابو متل سرقة ..........واخد كبر البحر ..عمقو وقطرو
وأخد من هل غزال شرود فرقة ..........ومن موج البحر مدّو وجذرو
وسحب لطف النسيم ..ومرق مرقة .......... على الارنب وسحب منّو حياءو
وخيانة هالزمن مع كل غدرو
من جرار العسل ..شال الحلاوة .......... ومن العلقم .. سحب كل المرارة
ومن الإلماس شو بقلبو قساوة .......... ومن التعلب اخد مكر ومهارة
ومن اللبوة اخد قسوة وضراوة .......... ومن الحيّة اخد حكمة وشطارة
واخد إشراقة الشمس بهداوة .......... واخد من هالحمل طيبة ووداعة
ومن جهنم حرارة كل نارا
أخد من هالنجم روعة لمتو .......... واخد من قلب لحمامة .. حنينا
وسحب من هالنمر قوة سطوتو .......... وخطف من هالمها كحلات عينا
وأخد من هالظبي السحر بنظرتو .......... وحفيف الشجر خلّصها أنينا
ومن العقرب اخد سرعة لدغتو .......... ومن الطاووس تيهو مع غرورو
وسحب نشوة خمر عتقو سنينا
أخد م الببغا كترة حكيها .......... واخد من هالتلج بردو وصقيعو
واخد من ها لسما رطوبة نديها .......... وجبلها وكوّنا بخفـّة صابيعو
ونفخ فيها الحياة ونظر فيها .......... اندهش رب السّما بروعة صنيعو
عطاها هيمنة وقوة وبديهة .......... وقال .. عملتها إلكن ... وإنتو
فهموها ... وإلاّ بدكن تضيعو

لك شو هاد ياأنهل
بتجنن ..والله هالقصيدة كتير نعومة
بس عنجد حلوووووووة كتير
يسلمون

__________________

Ramroum


..وغلاتك ما عشقت غيرك

اللــــــــــــــــــ يا أبو ايفان الغالي ــــــــــــــة

كنت متوقع انّه هاليوم يجي وشوف من كتاباتك الرائعة شي هون . بموقعنا الحبيب (مشتاوي )

أخي الحبيب ما تتصوّر مدى فرحتي فيك وبوجودك معنى وإنضمامك للبيت الكبير بيت مشتاوي بيت كلّ المشتاويين وبيت كلشي بيحب المشتاويين .

نحنا بإنتظار المزيد من قصائدك الحلوة اللي بعرف انه مليانة دروج مكتبتك فيها . يمكن إجا الوقت اللتي صار لازم تسعد
الناس بقرائتها .

إلك حبّي وإحترامي
أخوك جورج دبس
ألمانيا

__________________

حــــوّا انـقـــريـــت أبيــــــــاتـــك ............. يــــــابـــــــو(أيــفـــــان)
بــتـــســـــتحلـي مــن كلــــماتـــك ............ تــــلـــبـــس فســــطـــان
.....................................
الـــكــــحــــل بعيــــنيها تحــــــلاّ ............ ومنــــــــــّو تــــلــــونت
بــمـعبــــــد عيـــــنيـــــها صــــلاّ ............ وفــــيـــــهــــــا أمـــنـــت
لـــــوأنــــّي مطـــــرح اللـــــــــّه ............ مــــن أ د م كــــنـــــــت
بــســـــحّــب أضـــــلاعــــو كــلاّ ........... وبــخـــــلــق نــســـــوان

__________________

حوا كيف منفهمها لولا مانكون ....... نسمة عطرية منها وفتنة ومفتون

حوا من يوم الخلقت زينة بهالكون ..... وادم عم يكتب عنها وفيها مجنون

سلمت يداك يا انهل....... ومعا على الطريق

جورج موراني

شو هالأشعر الحلوي يا عمي لأنا ما بعرف أول شعر بس دخيييييييييييييييييييييييييييييييل ربا لحواااااااااااااااا يابو

__________________
أنـــــــــــا مشتــــــــــاوي

__________________

رمّـوش

الاخ انهل ......
تحية ... ومحبة .... وبعد :
حتى خلقتلنا حــــــــــــوا .......... عملتلنا مصنع تجمــــــيع
وادم حطيتو جـــــــــــوا ........... وكيف ما بدك حوا تضيع

__________________