بحبك ... حبني اكتر

Rammosh · #1 14-06-2005

بحبك حبيبي ... دخيلك حبني اكتر ...

كلهن كم شهر ... وبعدها بيمرق هالعمر ...

بيمرجحك ... وبيقهرك ..بيشدني بعيد...

وبيلغي المواعيد ..وهالعين تدمع ..والقلب يسكر ...

_._._.__._._._._._._._._._.

سمعني غناني وغزل

واحكيلي شعر وزجل

وطيرني لابعد سما

وخليني ضمك انا

بعيوني .. بآهاتي .. بضحكتي اللي برسما

ع شفاف حلوة معطرة ..

حب وأمل وسهم بقلبك يرتما ...

_._._.__._._._._._._._._._.

بكرة ببعد لبعيد كتير

وبضيع وتضيع هالمشاوير ..

واتزكرك بتنهيدة هم كبير ...

وزكرك بحلم عشناه سوا ...

لك دخلك دخيلك حبني اكتر ....

انشالله تعجبكن يمكن مو كتير ظابطة بس تجربة جديدة الي باللهجة المحكية ..

تحياتي

Abo Habib · #2 14-06-2005

اي هيك كتير كتير
شو هادا يا عمي
حلوة رمووووووووووووووش
اول مرة وهيك كيف بقا بعد شوي ما عاد نلحقلك
انشاء الله ما يشوف النوم يلي ما بيحبك
(أبو الحب)

Relax · #3 14-06-2005

الــــــــــــــــ رمّوش ــــــــــــــــى

في بعض الأوقات .. الإنتظار قد يولد الكثير ..من المشاعر والأحاسيس ..اللتي تتسابق شوقا لكي

تنثر نفسها على سطور الورق الجائعة ...لتحتضن بكل شوق بوح النفس ...الذي حكم عليه بالسجن ..

ليطلق سراحة على تلك الصفحات ....

عزيزتي رمّوش

دائما بين طيات الأمواج نجد أجمل الحروف والكلمات فالبحر كما عهدناه كبير يحمل الكثير .. يهبنا الكثير

فعطاءه لاينضب بل يستمر بالوهب والوهب ..و لا يطلب منا سوى رمي الأهات اللتي تعتصر بداخلنا

في أحضانه ..

كما ترمى الحجارة الصغير من يد طفل .. أمله الوحيد وصول تلك الحصى إلى أبعد نقطة

لترتسم بعدها على وجهه أكبر ابتسامة بالنصر ....

مافيني قول غير كلمة وحدة ((( كلمات معبّرة وفيها إحساس ))) ننتظر المزيد

كفـرونـــــي · #4 14-06-2005

كتيير حلوة ناطرين أكتر

معن مرعي · #5 28-06-2005

كلمات رموش وعباراتها تدخل شغاف القلب دون استئذان. عباراتها معبّرة تنسكب عبيرا وعطرا من وجدان نقيّ يثبت إصالة شعبنا على مرّ العصور. عظيم من بلادي يقول: "إن في النفس السورية كل علم وكل فن وكل فلسفة في العالم".
والفن الذي عبّرت عنه رموش بأحاسيسها ينطبق عليه تسمية روح الرومانسية.
أبارك لرموش تلك المشاعر وتينك العبارات العابقة بالحب والعاطفة التي هي أنبل الفضائل وأشجعها على الإستمرار في الكتابة بوحي من مشاعرها، وأنصحها بصقل موهبتها هذه كي تصبح شاعرة مبدعة ترفع فنون بلادنا عالية.
التوقيع:
معن مرعي
maan_merhi2005@hotmail.com

بسطاطي · #6 28-06-2005

بحيـــــا ت عينــــيكي يـــــا (رمـــــوش ) اشــــعري ........... وبـــــين الرمــــوش الشـــــاعريّي مشـــــوري

وفجّـــــــــري مــــن عواطـفـــــك نبــــــــع الحنــــان ............ وعـــــن كــــــل دقـــــــــّة فيكـــــــي تعبــّري

طيــفــــــك أزا تـوشّــــــح بمشـــــــلح أرجــــــــوان ........... بـيــــضــــل طـــــاغي عليـــه لون المرمري

ويـــــامـــا ويـــــــامــــا تـمـنـــــت حبــوب الجمــــان ........ تفـــــــرط مـــن الـعـقــــــد وعاصدرك تندري

Rammosh · #7 28-06-2005

ابو حبيب باسل الغالي يسلموووو ع رايك بالقصيدة كلك زووووووق

خجلتني والله

تكرم عيونك ....

وشو هالدعوة هي .... بلكي هيك راح تسهر نص العالم اذا مو كلن

Rammosh · #8 28-06-2005

الغالي ابو جريج .. كلماتك كانت احلى واروع من كل كلمة كتتبها ...

رايك كتير فرحني وخجلني بنفس الوقت ...

البحر متل ماقلت ماله حدود للعطاء ولولاكن انتو ماكنت اتجرأت وكتبت شوي من مشاعري واحاسيسي

بشكرك من قلبي ع رايك بهالكلمات المتواضعة

وتكرم عيونك عن قريب انشالله بنكفي بكلمات جديدة

تحياتي الك

اخ كفروني ... شكرا الك وتكرم عيونك انشالله عن قريب

Rammosh · #9 28-06-2005

بيسعدني اول شي رحب فيك اخ معن معنا بالموقع ومنتديات مشتاوي اهلا وسهلا فيك

وبفرحني كتير انو تكون اول مشاركة الك هي رد ع قصيدتي ...كلك زووووق

بصراحة ماتوقعت هالردود منكن .. بس انتو اهل الزوق والفن ...

ردك بجد خجلني كتير .. مابعرف شو بدي قلك غيرانشالله كون عند حسن الظن وانو عطول اكتب شي ع زوقكن ... لانكن بالفغل اهل الزوق والفن

تحياتي الك واهلا وسهلا فيك ...

john · #10 28-06-2005

الى الرموش

أول ما الشعر نكتب 00000000000انكتب على رموشك

وأول ما السحر غطا 0000000000 غطالك00 رموشك

اذا ببيات000 الشعر 000000000سحرتي00 الشباب

كيف اللي شاف الحلا 0000000000 وتمتع00 بصوتك

john

Rammosh · #11 29-06-2005

نطرت ردك يابسطاطي ... ولما اتأخرت بالرد قلت اكيد كتابتي ماعجبتك ..

هي صحيح مابتتقارن باللي بتكتبو .... بس شوي شوي يمكن تتحسن

بس فرحتي كبيرة لما قريت ردك وتعليقك

شكرا كتير كلك زووووق

Rammosh · #12 29-06-2005

شكرا كتير الك يا اخ jhon وشكرا ع التعليق الحلووو كتير

بس هيك كتير علي

zero cool · #13 29-06-2005

لك شو هادا يا رموش شي بيطير العقل و باسل الغالي أتحفنا

#14 19-07-2005

لا بقا تمدحوها أحسن ما يطيرو رموشها ياشباب
هيي هيك حلوي كتير !!

Rammosh · #15 23-07-2005

شكرا كتير يا اخ zero cool

كلك زوق

شايف شايف يا shahani انا والله مستحية منن ع هالمجاملات والمدح ..

وشكرا الك انت كمان خجلتني