يا بو طنوس الغالي
مع احترامي لشعرك الفي قيمة جمالية بس مو هيك بيكتبو الهوارة
لأنو الهوارة سواء كانت مشتاوية أو لبنانية الها اصول ووزن وقافية
انت تقيدت بالأصول والوزن بس ما تقيدت بالقافية
مثلاً
منوارة ليست ع قافية هوارة
شدت السراج ما في ع ضهر الفرس سراج لكن في سرج
نادتها ليست ع قافية شافتها
مخضرة ليست ع قافية هوارة
وامتالها متايل
حٍٍٍٍٍٍٍٍٍٍٍٍٍ
واحتراماً لموقع مشتاوي وللشعراء اللي بيكتبو فيه بتمنا يتعمقو اكتر بالصورة والقافية والوزن
مع محبتي واحترامي




حـســــــــــــــــــــان

أولاً أنا أحترم رأيك أما موضوع ألألتزام ب ألقافيه ياريت حضرتك تقرئ ب تروي دون أنفعال هذا أولاً أماثانياً ياريتك تقول لي شو ألي زاعجك في ألموضوع هل حضرتك ألتزمت في ألقافيه


بخيّـــــــــــــــل

عندي صاحب من بخلو بيبلع ريقو بالتقسيـــط

مــع أنـو مبحبـح دخلـو ما زحزح عنو هـَ السيط

******

عنــــدو نقــدي وارضيـات ودهبايات مصندقهـــا

وبيحكـــو عنــو حكايات بخجــل أنــي صـدقهـــا

******

أشهـــر خبريـــة عنّـــو بيشـــوف بنــومــو ليلي

يـــا ساتـــر تستـــر أنّــو مجــــوز ومخــلف عيلــي

******

اربـــع صبيــــان وبنتيــــن بـــدّك عيـــن تكفـي النــوم

ومرتو إسما الله ويخي العين هـَ النقلي شوفتها توم

******

بيصحالــك متـــل المجنون يــا عالــم يــا هـو يا ناس

شهريـــن تلاتــي بنــكون جعـنــا وشبعنـــا إفلاس

******

نــــارو كــل ما بيضبصهــا بترجـــف نفـســو من خوفهــا

ولمّـــا بدّو يخبصهــــــــا للضيــف بيعمــل زوفــــــا

******

أبخــــل مـن زهـر الدفلـي بعمــرك مـا شفتــو بحفلــي

وبيقمـــز مــن حــد البـاب حتالــي يوفــر قفلــــي

******

عنـــــدو معـــدي قطيعــــا ونفســـو بخلــوا طميعـــا

مـــا بيطلـــع إلا بعيـــــن حتـــى يوفــر تطليعــــا

******

مــــــرّة بعتـــــلو سبـــاط حتــى ينســى سنيـن الشـح

صــــار يحطـــو تحـت البــاط حتـالـي كعابــو مـا تمــح

******

أفعالـــو صـارت عجبـــي وعنّـي مانـا منحجـبـــي

مـــــا بياكـــل إلا عَ جنـــب حتـــى مـا يركـــب وجبــي

******

وبسينـــو الأخـــد عنـــو البخـــل وجــاد بهـَ الصنعــة

قربلـــوا اللحمـــي منــــو بيتركهــا وبيروح يرعــــا

******

عنـــدو هاتــف ألمانــي أعتــق مــن هتلــر بكتيــر

عَ السماعــا الخربانـــي محيّـــك للغــزال سريــر

******

بتـــذكــر فــي عنــدو تيـاب مــن وقـت اللي كــان قاصـر

وفــي عنــدو طقـم بلا جيـاب اعتـــق مــن عـبد الناصــر

******

كرمــال جريــه الخشنيــن بعمــرو ما جاب قليشيــن

قمصانــو من كياس الخيــش كلاسيـنو من كياس طحيــن

******

هوّي بسيـف ومـن دون سيـف بيسطـي عَ السبـع بغابـو

مــا بيرجــف إلا مـن الضيـف لمـــارق قــدام بوابــو

******

باقــي بيتــو المــش مفتـوح مقضيــها شبعــا جوعــا

بيشكـي من القرش وبينـــوح وبيصيــر المشهــد روعــا

ولمــا منـو القــرش يــروح بيــن الحســرا واللوعــا

بيبقــى متــل طلــوع الروح طلــوع القرش مــن جيابـو

******

شــو نفـع اللي عنــدو عيــون وعيونــو مـش باصيــرا

وشــو نفــع الحاوي مليــون وكلــو ما بيـسوا ليــرة


ك شاعر لك دواوين هل ألتزمت ب ألقافيه
وين ألسيط وشفلي ألي بعدها مع تحياتي وأحترامي لك

أبوطنوس

يا اخ ابو طنوس مع احترامي الك بس يبدو حضرتك صرلك فترة منيحة بالسويد وما بتعرف حسان مظبوط.
حسان اكبر من انو ننتقد شعرو اللي مدحوه كبار شعراء سورية ولبنان ,وحسان وقت عم يحكي , فهوي عم يحكي لصالحك منشان توزن الشعر اللي حضرتك مسماه مشتاوي, مو منشان ينتقد .
على كل حال شكرا لمشاركاتك و انشاالله بتضل بهالهمة.......

ألى ألأخوى العاملين في منتدى مشتى ألحلو تحيه وبعد
أنا بيار طنوس أريد أن أسئل أذا ما وقع ألشخص في خطئ ماوأراد تصليحه
ماذا سيفعل لكي يصلح هذا ألخطئ في ألكتابه علماً أنني أحياناً
عندما أريد أن أضع كلاماً مكتوب يطبع غلط ولا أستطيع تصليحه

بعد أرسال ألرساله وعلى ذالك كنت قد خلت وصلحت بعد الكلمت
ألخطئولكن حبذا لويوجد طريقه أن تعلموني بها وشكراً وأحياناً يكتب بغير لغه لا معروفي أنكليزي أو يباني بمعنى أخر لا تقرئ ألأن أصلحت ألخطئ بغير صفحه ولكن أذا أراد ألشخص محي ألرساله أيضاً أريد الطريقه وشكراً

__________________
أنـــــــــــا مشتــــــــــاوي