مهرجان مشتى الحلو السادس وبوادر الفشـــل

[هديل]

اعتذر عن انقطاعي عن منتدانا الكريم مؤخراً وذلك لاسباب خاصة . ولكن ما دفعني للمشاركة الآن سيرة المهرجان واخباره الذي تلوكه الألسن وبكثرة خلال المدة الاخيرة بين سلب وايجاب ومع وضد , فتارة نسمع انه في صدد الإلغاء لهذا العام وتارة أخرى نسمع أنه قُذِم إلى اصغر مقاس , وتارة اخرى نسمع أن الجنة المنظمة اجتمعت وأثمر اجتماعها عن تأجيل القرارات لاجتماع لاحق وهكذا تجري الايام مسرعة والعمل بالمهرجان يتقدم زاحفاً إن لم يكن " مكانك راوح " .
فحتى الان ولم يبقى سوى حوالي الشهر لم نرى اعلان واحد او بوستر واحد ولاحتى قصاصة ورق تعلمنا عن شيء يتعلق بالمهرجان , ومن المعلوم للجميع وعلى الاخص اللجنة المنظمة ان فقرة ملكات الجمال وهي من الفقرات الاكثر اهمية يتم الإعلان عنها قبل وقت طويل ريثما يتم اعلام الصبايا واختيار المناسب واخضاعهن للمعسكرات التدريبية وحتى الآن لم يعمل بها شيء ,( وما نخشاه أن تُجبر ملكتنا لورين عن العزوف عن الزواج لعام آخر كي لا تفقد لقبها ) .
ومن الاعزار والحجج للتبرير التي اصبحنا نسمعها بكثرة أن العائق الوحيد هو الدعم المادي وتحميل الجهات الحكومية الرسمية فشل المهرجان لا قدر الله . لكنني شخصياً اشك بهذه الحجة وكأنها السبب الأوحد ونرفع عن كاهل المنظمين كل اللوم , فعلى حد علمي ان الجهات الحكومية تقدم كل عام نفس القيمة وتعدت بأن تقدم هذا العام ايضا المبلغ المعتاد فهي بذلك تبرء ساحتها نوعا ما وهي ليست مسؤولة عن عملقت المهرجان على حسابها وكما يقول المتل ( البدّو يعمل جمّال بدّو يعلّي باب داره ) . وهل هي مسؤولة عن التمويل وفشل المهرجان في حال اقترحت اللجنة المنظمة مثلا اقامة حفل ختامي للسيدة فيروز على سبيل الارتقاء والتطوير كما يدّعون . أما بالنسبة للشركات الخاصة ومطالبتها بالدعم والرعي فلا نستطيع ان نبرء ذمة اللجنة المالية من الاهمال وقلت المتابعة وانتظار بعضهم العروض بأن تنهال عليهم وهم في مكاتبهم أو أسرّتهم .
وما سبب النفور من الشركات الكبيرة مثل سيرياتيل والرعاية الخجولة من قبل شركة /94/ إليس للمسؤولين عن المهرجان دور في ذلك من خلال سوء المعاملة وقلة الالتزام بالشروط وقصر النظر .
علاوة عن نفور الشركات الكبيرة لا نستطيع ان نخفي نفور عدد كبير من اهالي المشتى من المشاركة بالمهرجان ودعمه وذلك بسبب بعض السياسات السلبية لبعض القائمين على المهرجان ( كالفوقية والتهميش ورفض الآخر وحب الظهور على حساب الآخرين والمحسوبية و.... )

ارجو التصحيح لمعوماتي في حال كانت غير صحيحة
واعلامنا بحقيقة ما يجري علنا نجدي نفعاً
كما نتمنى التوفيق للمهرجان

[نسر]

دائما العزيزة هديل تضع إصبعها على الجرح
فهي محقة بكثيرة ما قالته و مع قلة اهتمامي بالمهرجان الذي يحول المشتى إلى فوضى عارمة و هبيش بشر قطعان هائجة بدون تنظيم فإني أرى أن إلغاءه أفضل حتى أغلب أهالي المشتى أصبحوا يضاقون ذرعا به و بفوضاه و التي لا تجلب لهم سوى وجع الرأس و القلق من كثرة الغرب و المشاكل بينما الفائدة الحقيقة ليست لهم بل للمرتزقة من خارجها . و مع ذلك تستمر الصراعات على اللجنة المنظمة و اللجنة المالية لماذا يا ترى و خصوصا أن الدعم المالي دائما ليس كما يقال قليل على العكس . و فوضاه المادية تعود لعدم وجود معتمد مالي موثق لدى الدولة إنما تجري الأمور على الثقة و المحسوبية مما يفقد داعمين المهرجان الثقة بلجانه
و برأي المتواضع أن تلغى هذه الفوضى و يسعى لتأسيس لجنة أكثر تنظيم و مصداقية و عندها لتنطلق لتأسيس مهرجان حضاري بعيد عن الفوضى بما يليق بالمشتى

[echo]

و أنا رأيي من رأي نسر
المهرجان هو حالة فوضى تعم المشتى في ثلاثة أيام متتالية و يا ريت لو كان كل سنة في شي جديد كله نفس الفقرات و نفس الملل و خاصة بالحفلة الأخيرة اللي بيضل لأخرتها و بيشوف الوسخ و القذراة اللي بيخلفوها الناس وراهم بيقرف عنجد بس مافينا نحكي شي على كل حال أنا لا أريده أن يلتغى و إنما فقط أن يكون هناك تنظيم أكثر و اعتناء أكبر بالفقرات و خاصة من قبل اللجنة المنظمة و أتمنى لو كان بالإمكان أن يخبرنا أحد ما إذا كان سيلتغى المهرجان أم لا

[rawad]

[أول شي حابب قول مسا لخير للجميع
كنت أتوقع من الكل يحكو هالحكي ألا أنت يا طوني لأنو كيف بدك تروج لموقع المشتى وأنت متحكي هادا الحكي عن مهرجانها على كلن متوقع هالشي من شخص بدو يجيب هيفا وهبي أو نانسي وما فكر بشي مطرب عليه القيمة لا تواخذني بس أنا هادا رأيي
على كلن ردي على الأخت هديل أنو طول عمرنا بنعرف أنو المشتى محاربة من كل العالم ومو غريبة على دولتنا العظيمة أنو تشارك بمحاربتها على كلن أنت متقولي ليش السيرياتيل أنسحبت مو لأنو أعضاء اللجنة ما عندهن لباقة بس لأنو شو أستفادة السيريا تيل من ورا المهرجان إذا هديك السنة التلفزيون السوري العظيم ما عرض شي عن المهرجان ولا حتى بخبر
ومو غريبة عنو فكيف بدها السيرياتيل تستفيد هيي شاركت من شان الدعاية والدعاية ما تم غير بالمشتى فأكيد الأستفادة منو بدها تكون ضعيفة أو معدومة بعدين بيكفي أنو بالوزارة هديك السنة طلع مهرجان مشتى الحلو تاني مهرجان بسوريا من حيث التنظيم بعد مهرجان معرض دمشق الدولي تخيلي مهرجان الحرير كانت ميزانيتو 25 مليون وطلع بعد المشتى هادا دليل شو ؟
بعدين الللي ميحضرو المهرجان يا أستاذ نسر أهلي وأهلك وأهل المشتى وأنا بعرف أنو أهل المشتى ما نهن هبيش متل ما قلت بعدين يا استاذ نسر أو يا صديقي نسر بيكفي أنو اللجنة ما تدخل فيها الحزب متل باقي اللجان والدولة ما كان ألها دور فيه
على العكس الفرقة الحزبية هيي اللي طالبت تشارك بشي منشان يقولول أنو الحزب وميشتغل بالمشتى وكمان البلدية عرضت حالها ودفعت 50 ألف وهادي كافيه لأنو نحنا ندعم المهرجان وما نتخلا عنو بهالسهولة لأنو كان نافذة لشباب المشتى أنهن يشتغلو بحرية من دون رقيب نوعا ما أول بادرة بتطلع من الأهالي من دون تدخل السلطة بظن أنو هادي كافية متل ما بتكتب بمداخلاتك لأنو أي نشاط جماعي بيقوم فيه الواحد هوي سياسة .
بعدين نحنا ما عنا غربال حتى نصفي العالم اللي بالمشتى وندخل اللي بيعجبونا واللي ما بيعجبونا ممنوع يدخلو وإلا بنصير متل باقي المناطق المتعصبة بسورية وما كانو حكو عن أهل المشتى أنهن متفتحين ومتطورين وشعب بيفهم .
بعدين خلي الماعندن حضارة يجو ويعتعلمو الحضارة من المشتى لأنو أنت بتعمل الشي حتى يتعلمو العالم اللي ما بيعرفو مو بيكون نشاطك موجه بس للي بيفهمو لأنهن ما نهن بحاجة فهمك .
بعدين لا ننسا أنو المهرجان بيطول عمر الصيفية وها بيجيب مدخول زيادة للمشتى وكلنا بنعرف أنو المشتى ما عندها ألا السياحة لحتا يعيشو متل ما بيقولو بمسرحية بانسبة لبكرا شو(لا صناعة في -ولا زراعة في-ولا موارد طبيعية في)
والمهرجان ما نعمل يا هديل بس لملكة المهرجان ومو هيي أهم شي لأنك بتكوني كتير غلطانة بس هيي بتعبر عن أنو المشتى شعب حضاري والمشتى بتكون أول منطقة بسوريا بتعمل مسابقة ملكة الجمال على كلن أسف لأني طولت بس حابب أنو قول اللي بدو يحكي ويبدي بيرأيو مع أحترامي لألكن لا زم يروح ويناقش اللجنة ويستفهم شو صار معها ومايرمي الحكي جزافا[/size][/size][/b][/b]

[نسر]

رواد العزيز
أولا بالنسبة لكلام طوني ..الترويج للموقع يكون بالصراحة و إظهار الحقيقة و إن كانت جارحة و عدم المواربة و طوني برأي مع عدم معرفتي الشخصية به و برغم حداثة سنه يتمتع بالكثير من الشفافية و الصدق على عكس بقية الإدارة

و لمعلوماتك التلفزيون السوري ( و ليس دفاعا عنه و تعرف رأي به) غطى السنة الماضية مهرجان المشتى بشكل جيد و خصوصا الفضائية في بثها الصباحي و أنا شخصيا شاهدت المهرجان على التلفزيون السوري و ليس على أرض الواقع و ذلك بسبب الفوضى و الازدحام و خصوصا حفلات الساحة ...و التي يتواجد القليل من أهل المشتى فيها بالنسبة للهبيش الذي ذكرت ..فحتى الوقوف و مشاهدة المسرحية أو العرض الفني لم يكن بالمستطاع بسبب الزحمة و التي غالبيتها لا تتابع الحفل و إنما تدور ذهابا و إيابا لغاية في نفس يعقوب
على كل أنت ذكرت إيجابيات المهرجان منذ بدايته و لا لأحد أن ينكر هذه الإيجابيات و خصوصا أنه انطلق بدون تدخل السلطة و بعثها ...و لكن ألا ترى أن لجنته و شبابه التطوعيين تحولوا إلا أصنام و تشبثوا بمواقعهم أسوة بدكتاتورية السلطة حتى أسوء, مما سيقضي على تجدده و يحوله إلى ساحة صراع تستلمه السلطة بعدها لفشل المجتمع الأهلي بإدارته
ندق جرس الإنذار كي لا يذهب تعب هؤلاء هباءً منثوراً و ليسعوا لتأسيس لجنة موثقة و منتخبة و متجددة دائما بدون تسلط و يكون أول أهدافها مهرجان راقي فأين الحضارة في الفوضى يا عزيزي
و دخيل المشتى ما أحلاها ..............شتاءً

[echo]

أهلين رواد
أولا بحب قلك أنو الموقع نجح نجاح باهر من وقت انطلق لهلق يعني صار من أقوى المواقع العربية و هالشي يعود للأعضاء و الزوار و الإدارة و المحتوى و الموقع مو بحاجة ترويج لأنو الكل صار بيعرفو أما بالنسبة للحكي اللي حكيتو أنا و اللي ماكنت متوقعه مني فهي هي الحقيقة و الكل بيعرف هالحكي و مافي داعي لنكذب على العالم (متل ما بيصير بالمهرجان).
المهرجان ناجح و ماحدا بيختلف بهالشي بس في مشكلة أنو بعض الناس اللي مالهم شغل و مانهم من المشتى أصلاً بيتدخلو بأمور المهرجان و اللجنة لحتى يخربو بس و هاد بيضرب سمعة المهرجان .
أما بالنسبة للدعم المادي فعم يوصل دعم للمهرجان بشكل كبير بس مدري ليش اللجنة عم تشتكي من القلة.
و أنا عندي كم اقتراح للجنة أنو يزيدو من مصداقيتم بالعمل و يشغلو ابن المشتى معهم لأنو أحسن من الغريب و اللي ما ألو علاقة بالمشتى لا من قريب و لا من بعيد و كمان يحلو هالخلافات اللي بيناتهون و اللي بتدل على عدم استقرار القرارات .
على كل حال أنا بتمنى ساعد اللجنة وقت المهرجان و بتمنى من الجميع نكون أيد وحدة لحتى نرتقي بمهرجاننا و نضل فوق (إذا ما كان ملتغي المهرجان متل ما عم يشيعو).
و السلام مسك الختام

تحياتي

[rawad]

طوني الغالي بشكرك لأنك رديت .
أول شي متل ما بتعرف انو نحنا عايشين بسورية ولا زم يكون عندك شوي تغطية قدام الدولة حتى ما يعرقلولك شغلك ومع هيك كل الغرب اللي بالمهرجان هني ناس مثقفين وفنانين وأنت كأنك انسيت أسماء الشباب اللي من المشتى الموجودين وعددهن بعدين من شان الدعم المادي اللي أنت متحكي عليه مع أنو مو من حقي قول شي بس بدي قللك أنو كل هالدعم اللي متحكي عليه مو موجود أصلا مثال نحنا بالسعودية ما قدرنا نلم غير 60ألف ليرة سورية لا يشط فكرك على الريال تخيل أنو نحنا بالغربة وبالسعودية اللي مضروبين فيها بحجر كبير فوين هالدعم اللي متحكي عنو بعدين أنا ما قلتلك تكذب على العالم بس لكن أحكي الحقيقة اللي ممكن أنو العالم البقية تتقبلها
بعدين متحكي ع شغل ولاد المشتى بالمهرجان أنا متل ما بتعرفني أللي مع المهرجان 4 سنين ومنشتغل فيه وما شفت شباب المشتى اللي متحكي عنهن اللي حابين يشتغلو طبعا اللي بدهن يشتغلو وعم يشتغلو معروفين ما في داعي لنذكر أسمائهن بعدين من أول ما بالشنا نحنا بالمسرحيات كانو شباب المشتى اللي عم تحكي عليهن (يتمهزو علينا) برأيي اللي بدو يتمهزا من أي نشاط مهما كان صغير هادا مو شغلتو غير الحكي وأنا مأحكيلك من خلال تجربتي الشخصية . لا في دعم مادي كبير متل مانك متحكي ولا في شباب شغيلة وبتخاف ع ضيعتها ومستعدة تضحي بكاسة متة منشان تشتغل بالمهرجان أنا أسف لأني عم قول هالحكي بس هاي هيي الحقيقة اللي بدو يشتغل هوي اللي بيجي وبيعرض حالو للشغل مو بيستنا العالم لحتى تطلب منو على كل حال ألله يعيشنا ويورينا .
بعدين يا أخ نسر نحنا هون بالسعودية ما شفنا شي على التلفزيون ومهرجان متل المشتى لا زم مو مرة وحدة يحطوه ومتل ما صنفوه أنو تاني مهرجان بسوريا خود مثال(مهرجان صافيتا بينقلوه مباشر لكل العالممع أنو صار ضرب الكراسي لأبو موزة متل ما بينقال )ونحنا بالمشتى ما في شرطة وما في أمن يدخل وبحياتو ما صار في ضربة كف بعدين أنت قلت أنو هادا مهرجان وبرجع بقوللك أنو العالم ما فينا نجيبها على زوقنا لأنو مهرجان لكل العالم مو للنخبة اللي أنت بطالب فيها ومتل مانا عم نشوف أنو المهرجان تطور كل سنة عن سنة واللجنة تجددت بأشخاص كتير بدل اللي سافرو على الخليج وما بدنا نذكر أسماء بعدين أنت عم تطالب بأنتخاب اللجنة من جديد مع أنو خير مثال عليها لجنة الوقف وقت اللي كانت منتخبة ما كانت متعمل شي ليش لأنو كل واحد بيحاول يختار قرايبو وأبن حارتو لينتخبو دون الرجوع أو النظر في أنو هادا الشخص خرج أنو يخدم ولا لأ وكانت حلبة مصارعة بين الشيوعيين من جهة والقوميين من جهة تانية والخوري من جهة تالتة بعدين من شان الأفكار الجديدة اللي أنت متقول أنو لازم تنوجد بالمهرجان مو ضروري أنك تكون باللجنة لحتا تطرحها فيك تروح على الأجتماع وتعرض مقترحك وكل العالم اللي هلق عم يحكو خلي يفرجوني شو كان نشاطن السابق بالضيعة من قبل ولا هلق بعد ما أنشهر المهرجان كترو العالم الشغيلة .
على كلن هالحوار كتير كان مفيد لكل واحد منا وبرجع بقوللك أنو إذا حابب أنت وطوني تستفسروا عن شي بالمهرجان ممكن تروحو وتسألو اللجنة أو كم عضو منها وتسمعو الحقيقة .
وخلينا نشوفكن السنة .

[hanna]

مرحبا لكل اهالي المشتى
انا هي اول مرة يشارك وبدخل على الموقع بس شكلو الواحد لازم يتحرم يعمل هيك قصة (المشاركة)
يعني ياجماعة تفاجئت بالموقع يلي صار حديث كل الناس بنجاحو العجيب أنو صار ساحة مطاحنات لموضوع لازم كل الناس
تكون متفقة عليه وهوي فشل المهرجان أو نجاحو المهرجان ياجماعة المهرجان ناجح أساسا ومن أول مابلش
بس نحنا عنا مشكلة تاريخية فينا وهي إنتقاد اي شي ناجح ما أسهمنا فيه .
وبالنسبة للشباب يلي عم ينتقدو اللجنة وأعضائا وأعمالن وعم يتسائلو وين المصاري ليش مابيساهمو بالمهرجان وبيسهرو
وبيتعبو نقس التعب يلي عم تتعبواللجنة وماحدا رح يسالن وين المصاري
كل ماحكى الأخ رواد كلمة مليحة عالمهرجان وعاللجنة بتقومو عليه الله الله وبتقولو هدا مانو من المشتى .
يا جماعة حبو المشتى قد هالزلمة وتعبو كرمالا متلو وما بدنا منكن شي وبدل ما تلوموه اشتغلو أكتر منو أو متلو عالقليلة .

شفت رد طوني عنتر على رواد أنو يلي عم يخرب المهرجان ناس باللجنة مانن من المشتى . مين قصدو ( الدكتور يعقوب )
إذا كان هوي المقصود فعفوا إنت غلطان ياطوني لأنو هالجال عم يشتغل أكتر من الكل وبمحبة للمشتى وما إلو لا ناقة ولاجمل
أما السيد نسر . . ياأخي مبين من حكيك إنك غيور على المصلحة العامة وضد كل شي سيئ طيب على عيني شارك بهالعمل
الجماعي وحاول تحسن فيه بدل من الحكي بس عالموقع او متل مابيقولو ( الحكي بالعتمة ) عفوا
كل الناس بتعرف إنو النسر بس يطير بيلفت النظر من شكلو الرهيب ومن حرية بالطيران ومن جبروتو فا ليش يانسر عم تتخفى
يابين متل النسر ياغير إسمك (والأفضل إنك تكتب باسمك الحقيقي بدون خوف)

بالنهاية آسف عالمداخلة ومتل ماوعدتكن بالبداية هي آخر مرة
ولاتتجنو عحدا وانتو وقفين عم تتفرجو عن بعيد
شكرا للجميع

[نسر]

يا أخ رواد لا أريد أن أناقش بموضوع التلفزيون ...مفروغ منها حتى اسأل الذين ظهروا عليه و معروفين و إذا أنت ما شاهدتها ليس ذنبهم ...طبعا هذا لا ينفي تهميش المشتى إعلاميا و خدميا من قبل السلطة و دعم لمناطق أخرى أقل أهمية و لكن الحق يقال

أما بالنسبة للضيف الجديد حنا فلا أريد تحويل الموضوع عن مساره بالرد عليه و خصوصا أنه نادم على مشاركته الأولى و الأخيرة و السبب برأي أنه قصير النظر ....يطلب مني العمل بما لا أهتم ...و قد ذكرت سابقا ذلك ..و لكن أهتم بطرح رأي
و ثانيا يا ضيف ما قمنا على رواد و هاجمناه إنما نناقشه و لأننا نقدره و محدا معتبره غير من المشتى هو و الدكتور أيضا فكلامك كصب الزيت على النار ...و يكفي أن النسر لفت نظرك على الموقع بنظره الثاقب و لا تدري ما يمارس على الواقع
أتمنى أن تحترم وعدك بأول و بأخر مداخلة على الموقع الذي لم يعجبك و تساهم بالمهرجان الذي لم نتجنى عليه , إنما نريده للأفضل.

ملاحظة للجميع : أعتقد أن أغلب أعضاء لجنة المهرجان لديهم كمبيوتر و انترنت و استغرب فعلا عدم استغلال هذا المنبر ( الموقع ) لإعلام الجميع عن خططهم و مشاكلهم و خصوصا أن المنتدى خصص قسم خاص للمهرجان و يكونون بذلك يسهمون بالإعلام عن المهرجان و يقطعون دابر القيل و القال

[echo]

أهلا و سهلا فيك يا حنا و أنا بس حابب قول كلمتين

أنا أول الشي ماقلت أنو في ناس من قلب اللجنة عم تدخل بأمور المهرجان أنا قلت أنو اللي عم يساعدو من خارج المشتى و ماألهم دخل بالمشتى بتاتاً

ثانياً أنا عم أتهم الدكتور يعقوب بالعكس هالزلمة كتير كويس و بيغار على المشتى كأنو من أبنائها و أكتر

تحياتي لكم

[amigo]

تعقيباً على موضوع الأخت هديل وما يجري بالنسبة لموضوع المهرجان وما لاحظته خلال الفترة الأخيرة .
أنا المهرجان يعيش حالة شد وجذب بين كل من البلدية من طرف ( إذا صح التعبير ) ولجنة المهرجان الأهلية من جهة آخرى . وعلى ما يبدو أن كفة البلدية ومن يناصرها هي الأرجح لاحتضان المهرجان بعد ان اعتذر عدد من القيمين السابقين على المهرجان عن العمل لاسباب بعضها معلّن وبعضها لغايات آخرى على ما اعتقد مثل الدكتور يعقوب و ابو زاهر ونبيلة صباغ و....
على امل ان لا يقع المهرجان لهذا العام ضحية هذه التجاذبات وان ينال بعض الدف والحنان والاهتمام ضمن احضان البلدية و ... والتي لما يعتاد عليها .

[fr00r]

صح المهرجان صاير بايخ كتير هالايام

لفتح ملف الفلاش - إضغط هنا