حمل كاذب
في بنت عمرها 21 سنه، بلشت تظهر عليها مظاهر الحمل. عرفت أمها، الأم اتدايقت وراحت للصيدليه واشترت جهاز اختبار للحمل, وبعد الفحص بالجهاز طلعت البنت حامل!
جنت الأم، وبهدلت بنتها وقالت: مين اللي عمل فيكي هيك؟ بدي اعرف بسرعه!
قامت البنت اتصلت بواحد وبعد نص ساعة، وقفت على باب البيت سـيارة فيراري آخر موديل ونزل منها واحد حليوة لبسو مرتب وشكلو (ولد نعمه).
الشب قعد بصالون البيت وحاط رجل على رجل، وقال: يا جماعة الخير... بنتكم قالتلي عالمشكله، بس بالحقيقة انا ما بقدر اتزوجها لظروفي العائلية الخاصة، بس انا ممكن أعوضها...
اذا جابت بنت، بكتب بإسم البنت مركز تجاري وفيله على البحر وبعطيها مبلغ مليون دولار، واذا جابت ولد بكتب بإسم الولد مصنعين وبعطيه مليونين دولار، أما اذا جابت توم بكتب بإسم كل واحد منهم مصنع وبعطي كل واحد مليون دولار.
طبعاً الأهل تفاجئوا ... وكمل كلامه وقال: بس اذا ماجابت شي؟ يعني طلع الحمل كاذب....
قاطعه الأب مباشرةً وقلو: بتحاول مره ثانيه يا ابني
__________________
Dreams Can Come True
| 
