إلى متى التكتّم عن الحدث في سوريا؟؟؟

[Relax]

عثرو على اربع بنات في احدى ابنية المدينة الجامعيةبدمشق وتم التكتم على الأمر لماذا؟؟؟

من وراء هذه الجريمة الفظيعة ؟؟؟

إليكم القصة بحذافيرها .

ما بعرف إذا حدى عنده علم بالقصة يلي صارت بالمدينة الجامعية
رح أحكيلكم عن هالحدث المأساوي يلي صار بالمدينة الجامعية بدمشق ، ويلي
تم التكتم على أحداثه من قبل وسائل الإعلام ، ليش ؟؟؟؟ الله أعلم

تبدء أحداث القصة ، في غرفة أحد الطلاب الشباب في المدينة الجامعية ،
وكعادته كل مساء يجتمع هو ورفاقه ، لتبدء السهرة ،
ويعني لا أخفي عليكم ، سهرات هالشباب تختلف نوعاً ما عن السهرات
الأعتيادية ، المهم وبنص السهرة والشباب عم يلعبو شدة ،
وهاد يلي عم يدخن ، وهاد يلي عم يفصص بزر ، وهاد يلي عم
يسمع المسجلة ،
وهاد يلي عم يحاكي حبيبته عالموبايل ،
وحوالي شي الساعة الثانية ليلاً ، ومن كلمة لكلمة ، بين الشباب يلي عم
يلعبو شدة ، وهاد يلي عم يقول أنت خسران ، والثاني بيقول لأ أنت
خسران ،
قام راح واحد من الشباب ، وأخذ ورق الشدة ، ورمى به على المنور تبع
البناء ، قام عصب واحد من الشباب وقام تخانق هو والشب يلي رمى
الورق، وعلقت خناقة طويلة عريضة ،
قام شعر الحرس الجامعي ، وأمن الجامعة بوجود مشكلة وعلى
الفور ، طلعو عالغرفة يلي عم تصير فيها الخناقة ، وطلبو الهويات الجامعية ،
وقعدو مشان يفهمو القصة وليش في خناقة ،
ومن سياق الحديث واحد من الشباب عم يقول للضابط : سيدي
الله وكيلك بسيطة ، الخناقة كلها كرمال لعبة شدة ،
قام قال الضابط ، وين الشدة ،
ال الشب رميتها عالمنور
الضابط عالمنور مو هيك ، مممممممممم هلق منشوف
بيقوم بيطلب الضابط من العناصر يلي معه أنه ينزلو عالمنور
ويتأكدو من القصة
بينزلو العناصر عالمنور ، وأول ما بيوصلوعالمنور ، يقفوا
مذهولين من
هول المشهد ...... مشهد تقشعر منه الأبدان
جريمة لا تغتفر . أربع بنات قتلى

أربع بنات ، يبدو أنهم قتلو جراء السقوط من مكان عالي
أربع بنات بعمر الورد
وهم :


!


!


!


!


!


!


!


!


بدكن تعرفو اسماؤهن ؟؟؟


!


!


!



!



!



!


يلا مارح طول عليكم بعرف انكن ملّيتو وحابين تعرفو مين هن


هن :

بنت الكبّة
وبنت الديناري
وبنت البسطون
وبنت السبات

يعني رجاء يا relax وقت بكون الموضوع نكتة لا تضع له عنوان سياسي لأنه بصير يغش القارئ
الذي ما لو نفس عالضحك ....فينزعج وقتها لتفاهة الموضوع و قوة العنوان ....و بحشك عالكاتب
ما تزعل من الصراحة

[Relax]

الضيف العزيز شب البستون
اولا شكرا على مرورك عالموقع وبتمنى انك تكون لقيت مواضيع جادّة
يا أخي الكريم الموضوع موجود بقسم (النكت والترفيه) بتصوري من وجوده بهيك مكان معروف شو
محتواه .
ويمكن حسب زعمك انه مالك نفس عالضحك فرح اقترح عالسيد مدير الموقع يحط قسم جديد لغويين النكد والحزن منشان اذا حبيت تزور الموقع مرة تانية تلاقي طلبك .
وأخر شي بحب الفت نظرك انه أغلب القراء والزوار للموقع بيتعاملو مع الموضوع بطريقة غير اللي حضرتك سميتها ( التحشيك ) إلاّ
اذا كانو عندهم نفس وجهة النظر تبعك والحمدلله لسة ماتعرضنالها ولا مرة .
مرة تانية شكرا لمرورك .......
Relax