· بيفهم بالطب وبشخص المرض وبيوصفلك الدوا وبيفهم بالنقاش والكهربا وتصليح السيارات والطبخ والسياسة والفطبول و شكلسة الأمور .
· بيحط الريموت كونترول بكيس نايلو مشان ما يتغبر .
· بوقف بيحكي عالباب شي نص ساعة مع الضيف بعد الزيارة .
· بخزانة المطبخ عندو شي عشرين قطرميز معود فاضي...مشان ازا احتاجن...
وإزا صحلو يزيدن مابقصر .
· بيجي بعد الموعد بساعتين من دون ما يعتذر...و بيعطيك ابتسامة غريبة 00.
· بيحكي بصوت عالي بالمكالمات الدولية ...مشان التاني يسمعو .
· مفكر حالو أحسن واحد بالشري والمفاصلة بعدين بلاقي بالمحل يلي جنبو أرخص من غير مفاصلة
· بيحتفظ بكياس محلات اللبس والأحذية وورق الهدايا تحت فرشة التخت لسنين وسنين .
· عندو صينية مكسرات مقسمة تلات أو أربع أقسام مشان المزاج...بس ما بيستعملا .
· عندو منقل شوي..بيستخدمو مرة وحدة...بالعيد
· بفكر أنو كل واحد بيشتغل بالخليج بيغرف مصاري من غير حساب ..وأغنى واحد بالدينا
· بيتخانق ساعة دفع الحساب بحرارة أنو هو يلي لازم يدفع وما بصير .
· بيفرش شرشف التخت على طقم الكنبايات مشان ما يتوسخ, ولما بيجو الضيوف بخلين مو مشكلة .
· ازا ركب تكسي طول الطريق عيونو عالعداد .
· أكتر واحد عندو كرامة بين العرب .
__________________  | 
لوحة التحكم الخاصة بك
خروج
بحث
الأعضاء
التقويم
